قازاقستان قۇراماسى حالىقارالىق ارمييا ويىندارى شەڭبەرٸندە ٶتكٸزٸلگەن «ارتيللەرييالىق اتىس شەبەرلەرٸ», «سۇڭقار سالۋ» جەنە «سەنٸمدٸ قابىلداۋ» سايىستارىندا جەڭٸس تۇعىرىنان كٶرٸنٸپ, التىندى قانجىعاعا بايلادى. بۇل تۋرالى قر قورعانىس مينيسترلٸگٸنٸڭ باسپاسٶز قىزمەتٸ حابارلايدى.
قازاق ساربازدارى «ارتيللەرييالىق اتىس شەبەرلەرٸ» بايقاۋىندا العاشقى التىنىنا قول جەتكٸزدٸ. جەكە جارىس, تٷنگٸ سپرينت جەنە ەستافەتا كەزەڭدەرٸنەن تۇراتىن سايىس كٷندٸزگٸ جەنە تٷنگٸ ۋاقىتتا ٶتتٸ. جارىسقا قاتىسۋشىلار بەلگٸلٸ بٸر باعىتتى جٷرٸپ ٶتٸپ, پۋلەمەت, اۆتومات جەنە گراناتا اتقىشتان, سونداي-اق مينواتقىشتان وق اتتى. تٷنگٸ ۋاقىتتا نىسانانى كٶزدەۋگە ارنايى قۇرالدار پايدالانىلدى. اقتىق ەستافەتادا ەلٸمٸزدٸڭ مينا اتۋ بويىنشا كٶرسەتكٸشتەرٸ جوعارى باعالانىپ, قازاقستان قۇراماسىنا جەڭٸس ەكەلدٸ.
بۇل جەڭٸس تۋرالى «وڭتٷستٸك» ٶڭٸرلٸك قولباسشىلىعى ەسكەرلەرٸ قولباسشىسىنىڭ وق اتۋ بويىنشا ورىنباسارى, كوماندا جاتتىقتىرۋشىسى, پولكوۆنيك دەۋرەن ەسقوجين: «جەڭٸسكە بٸرنەشە اي بويى تىنباي جٷرگٸزگەن دايىندىق, كوماندانىڭ ٷيلەسٸمدٸ جۇمىسى, مىقتى جاۋىنگەرلٸك رۋح, تاباندىلىق پەن ايقىن ماقسات جەتەلەدٸ. سوندىقتان بۇل - قازاقستاندىق ارتيللەريستەردٸڭ ەڭبەگٸنٸڭ جەڭٸسٸ», - دەيدٸ.
ٷزدٸك نەتيجە جەتكەن كەلەسٸ بايقاۋدىڭ بٸرٸ – «سەنٸمدٸ قابىلداۋ». جارىستا ەسكەري بايلانىس قىزمەتكەرلەرٸ راديوگرامما ارقىلى بايلانىستى ۇستاپ, مورزە ەلٸپپەسٸمەن حابارلامالار جٸبەرٸپ, تٷندە جارىق بەرۋ بەلگٸلەرٸن قالتا شامى ارقىلى كٶرسەتتٸ. ال سوڭعى مەرەدە سايىسكەرلەر كەز كەلگەن تەسٸلمەن بايلانىستى ورناتىپ, قاجەتتٸ دابىلدى جٸبەرۋٸ تيٸس. بۇل ورايدا بٸزدٸڭ قۇرام بٸرٸنشٸ كەزەڭدە-اق باسىمدىق تانىتىپ, سايىستىڭ قالعان كەزەڭدەرٸندە دە ٷزدٸك كٶرٸندٸ.
ەلٸمٸزگە تاعى بٸر جەڭٸستٸ سىيلاعان – «سۇڭقار سالۋ» بايقاۋى. بۇل ٷش كەزەڭنەن تۇراتىن سايىس. بٸرٸنشٸ كەزەڭ – ۇشقىشسىز ۇشۋ اپاراتتارىنىڭ دايىندىعى جەنە كٷندٸزگٸ ەۋە بارلاۋى, ەكٸنشٸ كەزەڭ – بيٸكتەپ ۇشۋ, ەۋە بارلاۋى جەنە تٷندە ارتيللەرييا وقتارىن قالىپقا كەلتٸرۋ دەپ اتالادى. مۇنداعى شەشۋشٸ كەزەڭدە ەر ەلدەن ٷش ۇشقىشسىز ۇشۋ قۇرىلعىلارى الما-كەزەك ٸزدەۋ, انىقتاۋ جەنە نىسانداردىڭ كوورديناتتارىن بەلگٸلەۋ تاپسىرمالارىن ورىندادى.
ايتا كەتەرلٸگٸ, بيىل ەلٸمٸزدە ٶتكەن حالىقارالىق ارمييا ويىندارىنا رەسەي, قىتاي, بەلارۋس, ٶزبەكستان, قىرعىزستان, ەزەربايجان, تەجٸكستان, ارمەنييا, يران, سيرييا, سونىمەن قاتار ۆەنەسۋەلا جەنە زيمبابۆە مەملەكەتتەرٸ قارۋلى كٷشتەرٸنٸڭ ەسكەري شەبەرلەرٸ قاتىستى.
اتالعان ٷش بايقاۋدىڭ جەڭٸمپازدارى مەن سايىس جٷلدەگەرلەرٸن ماراپاتتاۋ 15 تامىز كٷنٸ «وتار» ەسكەري پوليگونىندا ارحو-2019 سالتاناتتى جابىلۋ رەسٸمٸ اياسىندا ٶتەدٸ.
