فوتو: © iStock
باتىس قازاقستان وبلىسىنىڭ ەكٸمٸ ناريمان تٶرەعاليەۆ ٶڭٸردە كيٸك ەتٸنە سۇرانىس تٶمەن ەكەنٸن مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, بٷگٸندە 10 مىڭنان استام كيٸك اۋلانعان. 17 بريگادا جۇمىس ٸستەپ جاتىر. ونىڭ 15-ٸ اتۋ ەدٸسٸمەن, ەكەۋٸ اۋلاۋ ەدٸسٸمەن ٸستەيدٸ.
"وحوتزووپروم" وپەراتور بولىپ تاعايىندالدى. وسى مەكەمە كيٸك مٷيٸزدەرٸن سول جەردە اكتٸ جاساپ, نٶمٸرلەپ, تاڭبالاپ, ساناپ الادى. سوسىن ونى ارنايى ساقتاۋعا قويادى. سەبەبٸ كيٸك مٷيٸزٸن ساتۋعا رۇقسات جوق ەكەنٸن بٸلەسٸزدەر. قازٸرگٸ تاڭدا 11 مىڭعا جۋىق كيٸك مٷيٸزٸن كەسٸپ الدىق", -دەدٸ تٶرەعاليەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونداي-اق ول كيٸك ەتٸن ٶڭدەيتٸن 8 ەت كومبيناتى جۇمىس ٸستەيتٸنٸن اتاپ ٶتتٸ. بەسەۋٸ – بقو, قالعاندارى – اقتٶبە مەن اتىراۋ وبلىستارىنان.
"وسى كومبيناتتارعا كيٸك ەتٸ كەلٸسٸنە 315 تەڭگەدەن جەتكٸزٸلەدٸ. ال ەت كومبيناتتارى ەرٸ قاراي 1200 تەڭگە اينالاسىندا ساتىپ جاتىر", - دەپ مەلٸمدەدٸ ٶڭٸر باسشىسى.
تٶرەعاليەۆ كيٸك ەتٸ ساتىلا باستاعاننان كەيٸن مال ەتٸنە سۇرانىس بولماي قالماي ما دەگەن سۇراققا دا جاۋاپ بەردٸ.
"كيٸكتٸڭ ەتٸن كەز كەلگەن ادام المايدى. ونى, ەسٸرەسە, جاستاردىڭ كٶبٸ بٸلمەيدٸ. كەڭەس ٶكٸمەتٸ كەزٸندە كيٸك ەتٸن جەپ قالعان ادامدار بولماسا, كٶبٸ, جاسىراتىنى جوق, كيٸكتٸڭ ەتٸن جەپ جاتقان جوق. بىلايشا ايتقاندا, اسا قاتتى قىزىعۋشىلىق, سۇرانىس بار دەپ ايتا المايمىن. سەبەبٸ, ٶزدەرٸڭٸز كٶرٸپ وتىرسىزدار, باعاسىنىڭ ٶزٸ 1200 تەڭگە", - دەيدٸ وبلىس ەكٸمٸ.
ونىڭ ايتۋىنشا, قاراعاندى وبلىسىندا بٸر كەسٸپكەر كيٸكتەردٸ ارنايى باعىپ, جەمدەپ, قولعا ٷيرەتۋ ەدٸسٸن پيلوتتىق رەجيمدە ٸسكە قوسقان.
"ول ماعان وسىنداي جولمەن كيٸك سانىن رەتتەۋگە بولاتىنى تۋرالى ٶز ۇسىنىسىن ايتتى. بٸز قازٸر اتۋ, اۋلاۋ ەدٸسٸنەن بٶلەك, جاڭاعىداي ەدٸستەردٸ دە قولعا الماقشىمىز", - دەپ اتاپ ٶتتٸ تٶرەعاليەۆ.
ايتۋىنشا, بيىلعى جىلدىڭ قورىتىندىسى بويىنشا كيٸكتەر سانى 1 ملن 300 مىڭنان اسادى. عالىمداردىڭ پايىمىنشا, بٸر كيٸككە 15 گەكتار جەر كەرەك.
"ياعني بٸر ملن كيٸككە 15 ملن گەكتار جەر كەرەك. بٸزدە ٶزٸ 15 ملن گەكتار جەر بولاتىن بولسا, ونىڭ بەرٸن كيٸكتەرگە بەرٸپ قويساق... ٶڭٸردە بٸر ميلليوننىڭ ٷستٸندە ٸرٸ قارا, ەكٸ ميلليوننان استام قوي-ەشكٸ, 350 مىڭنىڭ ٷستٸندە جىلقى بار. ولاردىڭ بەرٸنە جەم-شٶپ, ازىق كەرەك. سوندىقتان دا كيٸكتەرگە قاتىستى شارۋا قوجالىقتارى ايقايلاپ ايتىپ جٷرگەن مەسەلە قازٸر رەتتەلٸپ جاتىر. ەكولوگييا مەن اۋىل شارۋاشىلىعى مينيسترلٸكتەرٸ تاراپىنان كيٸك سانىن رەتتەۋگە بايلانىستى نورماتيۆتٸك قۇقىقتىق اكتٸلەر قابىلداندى", - دەپ اتاپ ٶتتٸ تٶرەعاليەۆ.
