فوتو: ۆلاديمير ترەتياكوۆ/AP
مەجٸلٸس تٶراعاسى ەرلان قوشانوۆ Facebook پاراقشاسىندا "قاندى قاڭتارعا" قاتىستى پٸكٸر بٸلدٸرٸپ, ەرتەڭ مەجٸلٸستە قاڭتار وقيعاسى بويىنشا ارنايى تىڭداۋ ٶتەتٸنٸن حابارلادى.
«قاڭتار وقيعاسىنا» تۋرا بٸر جىل تولىپ وتىر. بۇل جاعداي ەلٸمٸز ٷشٸن تەۋەلسٸزدٸك جىلدارىنداعى ەڭ اۋىر سىناق بولدى.
قاڭتارداعى قايعىلى وقيعالاردىڭ جاراسى دا, سالدارى دا جەڭٸل بولعان جوق. سوندىقتان حالقىمىز دا, قوعام دا ول تۋرالى جان جاقتى ەرٸ اشىق اقپارات العىسى كەلەدٸ. مەملەكەتتٸڭ ٶزٸ سوعان مٷددەلٸ. سەبەبٸ, پرەزيدەنت ايتقانداي, حالىقتان جاسىراتىن ەشتەڭە بولماۋى تيٸس, قوعام شىندىققا كٶز جەتكٸزۋٸ كەرەك.
وسى رەتتە, پارلامەنت مەجٸلٸسٸ بولعان وقيعانىڭ مەن-جايىن, تەرگەپ-تەكسەرۋ بارىسىن ٷنەمٸ باقىلاۋدا ۇستاپ كەلە جاتقانىن بٸلەسٸزدەر. ٶتكەن جىلى مەملەكەتتٸك جەنە قۇقىق قورعاۋ ورگاندارىمەن بٸرگە اشىق تالقىلاۋلار ٶتكٸزدٸك. سول تالقىلاۋلار بارىسىندا بٸراز مەسەلەگە ناقتى جاۋاپ بەرٸلدٸ. دەگەنمەن ەل اراسىندا قاڭتارعا قاتىستى ەلٸ دە سۇراقتار جەتكٸلٸكتٸ. ٶتكەن بٸر جىلدىڭ ٸشٸندە قوعامدا تٷرلٸ پٸكٸرلەر, قيلى قاۋەسەتتەر تاراۋمەن بولدى.
سوندىقتان وسى بٸر جىلدىڭ ٸشٸندە جٷرگٸزٸلگەن تەرگەۋ امالدارىنىڭ نەتيجەلەرٸن اشىق جارييالاۋ ٷشٸن, 2023 جىلعى 5 قاڭتاردا مەجٸلٸس قابىرعاسىندا ارنايى تىڭداۋ ٶتەدٸ. تىڭداۋدا باس پروكۋرور مەن قۇقىق قورعاۋ ورگاندارى باسشىلارى ەسەپ بەرەدٸ. قوعام بەلسەندٸلەرٸ, باق ٶكٸلدەرٸ قاتىسادى. ارنايى وتىرىس رەسپۋبليكالىق «حابار 24» تەلەارناسىندا جەنە مەجٸلٸستٸڭ سايتىندا, ەلەۋمەتتٸك جەلٸلەردەگٸ رەسمي پاراقشالارىندا تٸكەلەي ەفيردە كٶرسەتٸلەدٸ» - دەپ جازدى ەرلان قوشانوۆ.
