ۇلتتىق حالىق ساناعىن جٷرگٸزۋ تەحنيكالىق سەبەپتەرگە بايلانىستى بٸر جىلعا شەگەرٸلدٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە ايتىلدى, دەپ حابارلايدى "ۇلت اقپارات".
«باستاپقىدا ۇلتتىق حالىق ساناعى 2019 جىلى ٶتۋٸ كەرەك دەپ جوسپارلانعان, بٸراق تەحنيكالىق مەسەلەلەرگە بايلانىستى اقپاراتتىق جٷيەنٸ جاساپ ٷلگەرمەدٸك. سونداي-اق, مەملەكەتتٸك ساتىپ الۋ مەسەلەسٸن شەشۋگە, ۇيىمداستىرۋ جۇمىستارىنا قاتىستى سۇراقتاردى شەشٸپ ٷلگەرمەگەندٸكتەن, بٸر جىل كەيٸنگە شەگەردٸك», - دەيدٸ قر ۇلتتىق ەكونوميكا مينيسترلٸگٸ ستاتيستيكا كوميتەتٸنٸڭ تٶراعاسى نۇربولات ايداپكەلوۆ.
ەسكە سالساق, بيىل قازان ايىندا ۇلتتىق حالىق ساناعى ٶتەدٸ, ول ەكٸ كەزەڭنەن تۇرادى. ساناقتى ٶتكٸزۋگە بيۋدجەتتەن 8,2 ملرد تەڭگە بٶلٸندٸ. سونداي-اق, بيىلعى حالىق ساناعىندا قاعاز قولدانىلمايدى.
