ەدەپ جٶنٸندەگٸ كەڭەستە باتىس قازاقستان وبلىسى بەيتەرەك اۋدانى ماحامبەت اۋىلدىق وكرۋگٸنٸڭ ەكٸمٸ بەيبٸت امانعاليەۆتٸڭ حالىققا قاتىستى ايتقان سٶزٸنە بايلانىستى تەرتٸپتٸك ٸس قارالدى. مەملەكەتتٸك قىزمەت سالاسىنداعى باقىلاۋ باسقارماسىنىڭ باس مامانى گٷلسٸم دەۋلەتوۆانىڭ ايتۋىنشا, ەكٸمنٸڭ سٶزٸ Instagram-دا تاراپ كەتكەن. ەكٸم جۋرناليستكە سۇحبات بەرگەن كەزدە "حالىقتى نەسٸنە تىڭدايسىڭدار? حالىق قازٸر مال بولىپ كەتكەن عوي" دەگەن ەكەن, - دەپ حابارلايدى Massaget.kz پورتالى "موي گورود" سايتىنا سٸلتەمە جاساپ.
"وسىلايشا, امانعاليەۆ اۋىل تۇرعىندارىن ٶز سٶزٸمەن قورلاپ, مەملەكەتتٸك قىزمەتشٸلەردٸڭ ار-نامىس كودەكسٸن بۇزدى. بەيتەرەك اۋدانى ەكٸمٸ اپپاراتىنىڭ قىزمەتتٸك سيپاتتاماسىنا سەيكەس بەيبٸت امانعاليەۆتٸڭ تەرتٸپتٸك جازاسى جوق, ول - بٸلٸكتٸ مامان جەنە بٸلٸكتٸ باسشى. سونىمەن قاتار, اۋىل تۇرعىندارىنان حاتتار كەلٸپ تٷستٸ, وندا ولار ٶز ەكٸمدەرٸ تۋرالى جاقسى ايتادى", - دەدٸ مەملەكەتتٸك قىزمەت سالاسىنداعى باقىلاۋ باسقارماسىنىڭ باس مامانى گٷلسٸم دەۋلەتوۆا.
اۋىل ەكٸمٸ دە نەگە بۇلاي ايتقانىن تٷسٸندٸرۋگە تىرىسقان. ونىڭ سٶزٸنشە, وقيعا بىلتىر 7 جەلتوقساندا بولعان. سول كٷنٸ ماحامبەت اۋىلىنىڭ ماڭىندا ٷلكەن جٷك كٶلٸگٸ ەلەكترجەلٸسٸنە سوعىلىپ, سالدارىنان اۋىل بٸر كٷن بويى جارىقسىز قالعان.
"سول كٷنٸ قاتتى اياز بولدى. ەكٸ ساعاتتان كەيٸن گوربۋنوۆ پەن پاۆلوۆ اۋىلدارىندا گاز ٶشٸپ قالعانى تۋرالى حابار كەلدٸ. ول اۋىلدار ەشكٸمنٸڭ بالانسىندا جوق, ٷنەمٸ سۋ قۇبىرى قاتىپ قالادى. اۋىلعا بارىپ, تۇرعىندارمەن كەزدەسٸپ, جاعدايدى تٷسٸندٸرۋگە تىرىستىم. گاز بٸردەن قوسىلمادى, بارلىق قۇرىلىم جۇمىس ٸستەدٸ, ٶزٸم دە تەۋلٸك بويى ۇيىقتامادىم. تۇرعىندار جۋرناليستەردٸ شاقىرعان ەكەن, ولار كەلٸپ تٷرلٸ سۇراق قويا باستادى. ٶزٸم سترەسس جاعدايىندا تۇردىم, سەبەبٸ سەۋٸردە انام مەن باۋىرىمنان ايىرىلىپ قالدىم. ەرينە, ول مەنٸڭ جەكە شارۋام ەكەنٸن تٷسٸنەمٸن, جۇمىسقا قاتىسى بولماۋى كەرەك, بٸراق راسىندا قيىن جاعدايدا تۇردىم", - دەپ تٷسٸندٸردٸ اۋىل ەكٸمٸ.
بەيبٸت امانعاليەۆ راسىندا سولاي ايتقانىن, الايدا قازٸر ٶكٸنەتٸنٸن جەنە تۇرعىنداردى جيناپ, كەشٸرٸم سۇراعانىن ايتتى.
"مەن حالىقتى مالعا تەڭەگٸم كەلمەدٸ, تۇرعىندار سابىرسىز بولىپ كەتكەنٸن ايتقىم كەلگەن. سەبەبٸ اپاتتىڭ سالدارىن جويۋ وڭاي جۇمىس ەمەس. شارشاپ تا قالدىم, جاسىم 59-دا, سول كٷنٸ ايازدا كٶپ جٷردٸم. بٸراق حالىقتى, اۋىل تۇرعىندارىنىڭ كٶڭٸلٸنە قاياۋ تٷسٸرگٸم كەلمەدٸ", - دەپ تٷسٸندٸردٸ بەيبٸت امانعاليەۆ.
