حالىق بەلگٸلٸ تەلەجۋرناليست بەيسەن قۇرانبەكتٸ سوڭعى ساپارعا شىعارىپ سالدى. قوشتاسۋ رەسٸمٸ تالدىقورعانداعى جۋرناليستەر ٷيٸندە ٶتتٸ, دەپ حابارلايدى "ۇلت اقپارات".
كٶرەرمەننٸڭ سٷيٸكتٸسٸنە اينالىپ, ەر قازاقتىڭ جٷرەگٸنە مەيٸرٸم ۇيالاتا بٸلگەن بەيسەن ابايۇلىن سوڭعى ساپارعا شىعارىپ سالۋعا حالىق كٶپ جينالدى. بەيسەن قۇرانبەكتٸڭ «ايتۋعا وڭاي», «قارەكەت» سيياقتى جوبالارىنا ميلليوندار رازى بولسا, جەتٸسۋ جۋرناليستەر ٷيٸ سيياقتى ٶزٸ مۇرىندىق بولىپ سالىنعان كٶپ دٷنيەسٸ كٶپشٸلٸككە بەيمەلٸم. ال, ٶمٸرٸنٸڭ سوڭعى التى جىلىندا باسشى بولعان «جەتٸسۋدا» بەيسەن قۇرانبەك بٸر شوعىر ٸنٸ-قارىنداسىنا جول كٶرسەتٸپ كەتتٸ. ەلدٸڭ مۇڭىن ٶز مۇڭىنداي كٶرٸپ, كٶپكە قامقور بولا بٸلگەن جٷرەكتٸ ازامات بەيسەن قۇرانبەكتٸ حالقى شىن جاقسى كٶردٸ. ٸنٸ-باۋىرلارىن «باتىر» دەپ ەركەلەتەتٸن اردا تۇلعامەن ەل-جۇرت قيماي قوشتاستى.
بەيسەن ابايۇلى جايلى جىلى ەستەلٸكتەرٸمەن بٶلٸسكەن تانىمال جۋرناليست نۇرتٸلەۋ يمانعالي ەرٸپتەستەرٸنە بەيسەنتانۋ عىلىمىن قالىپتاستىرۋدى ۇسىندى. ول وسى ارقىلى قازاق جۋرناليستيكاسى جاڭا دەڭگەيگە كٶتەرٸلەدٸ دەپ سانايدى. ونىڭ ايتۋىنشا, بەيسەن قۇرانبەكتٸڭ ٶمٸرلٸك ۇستانىمدارى دا - ٶسكەلەڭ ۇرپاق ٷشٸن ٷلكەن عيبراتتى دٷنيە.
«2004 جىلى پرەزيدەنتتٸڭ جانىندا بٸرگە جۇمىس ٸستەدٸك. سول كەزدە مەن بەيسەننٸڭ ەڭبەكقورلىعىنا تەنتٸ بولاتىنمىن. ول ەجەسٸن استاناعا الىپ كەلدٸ. بٸراق ٷلكەن كٸسٸ ەلوردانى ۇناتپاعاننان كەيٸن ول شىعارماشىلىعىن تاستاپ, ٷيٸنە قايتتى. سول كەزدە «بەيسەكە, سٸزدٸڭ بولاشاعىڭىز كەرەمەت, سٸزدٸ پرەزيدەنتتٸڭ ٶزٸ جاقسى تانيدى, ەلوردادا قالساڭىزشى» دەگەنٸمدە, كەلٸسپەدٸ. «اپام ٶمٸر باقي جانىمدا بولمايدى. ال جۇمىس تابىلادى» دەدٸ. بەيسەننٸڭ دانالىعىنا مەن ەركەز تاڭقالاتىنمىن. جانىڭ جەننەتتا بولسىن, دوسىم», - دەدٸ جۋرناليست الەكساندر اكسيۋتيتس.
بەيسەن ابايۇلى 49 جاسقا قاراعان شاعىندا ٶمٸردەن وزدى. مارقۇم تالدىقورعانعا قاراستى ەركٸن اۋىلىندا جەرلەنەدٸ.
