رەسەيدەگٸ تٷركٸ حالىقتارىنىڭ ٶمٸرٸ جايلى فيلم تٷسٸرمەك بولعان ستامبۋل ۋنيۆەرسيتەتٸنٸڭ ماگيسترانتى, قازاقستان ازاماتى نازگٷل كەنجەتاي رەسەيدٸڭ حاكاسييا ايماعىندا جٷر. 2021 جىل.
رەسەيدٸڭ حاكاسييا ايماعىندا ۇستالعان قازاقستان ازاماتى نازگٷل كەنجەتاي ٶزٸن ادۆوكاتىمەن بايلانىستىرماي, التى كٷن بۇرىن سوتتاپ جٸبەرگەنٸن ايتتى. بۇل اقپاراتتى ادۆوكاتى دا راستادى. قورعاۋ تارابى دەپورتاتسييا تۋرالى شەشٸمگە شاعىم تٷسٸرمەك, دەپ حابارلايدى ازاتتىق راديوسى.
ستامبۋل ۋنيۆەرسيتەتٸنٸڭ ماگيسترانتى, قازاقستان ازاماتى نازگٷل كەنجەتايدىڭ تٷركٸ حالىقتارى جايلى فيلم تٷسٸرۋ ٷشٸن رەسەيدٸڭ حاكاسييا ايماعىنا بارىپ, سول جاقتا ۇستالعانى تۋرالى اقپارات بٸر كٷن بۇرىن تاراعان. ونىمەن بٸرگە تٷرٸك باسىلىمىنىڭ وپەراتورى ەمين كاراچاك تا ۇستالعان. رەسەي جاعى ولاردى جۋرناليست بولا تۇرا اككرەديتاتسيياسىز جۇمىس ٸستەدٸ دەپ ايىپتاپ, دەپورتاتسييا تۋرالى شەشٸم شىعارعان. جاۋاپكەرلەر مۇنىمەن كەلٸسپەيدٸ. جۋرناليستەردٸڭ زاتتارى كەمپەسكەلەنٸپ, تٷسٸرگەن بارلىق ماتەريالدارى جويىلعان. قازٸر ەكەۋٸ اباكانداعى ۋاقىتشا قاماۋ ورنىندا وتىر, جاقىن ارادا دەپورتاتسييالانادى.
"اپىر-توپىر, نە بولىپ جاتقانىن ايتپاي, تەلەفونداردى ەدەيٸ بەرمەي, ادۆوكاتقا بايلانىسقا رۇقسات بەرمەي, سوتقا اپاردى. سۋديا زارۋبين بٸزدٸ تىڭداماي فورمالنىي سوت ٶتكٸزٸپ, دەپورتاتسييا تۋرالى شەشٸم شىعاردى" دەدٸ تەرگەۋ يزولياتورىنان مەسسەنجەر ارقىلى ازاتتىق تٸلشٸسٸنە جاۋاپ بەرگەن نازگٷل كەنجەتاي.
ونىڭ ادۆوكاتى اياز تيۋندەشەۆ قورعاۋ تارابىندا ولاردىڭ ۇستالۋىنا قاتىستى سۇراق كٶپ دەيدٸ.
"بٸزدٸڭ ويىمىزشا, ولاردى مٷلدە زاڭسىز ۇستاعان, سەبەبٸ بٸرٸنشٸ كەزەكتە ولارعا ادۆوكاتتى جٸبەرمەگەن. تەلەفوندارىن تارتىپ العان. ولارعا قاي جەردە وتىرعاندىقتارىن ايتپاعان. ولار ماعان سوتتا وتىرمىز دەپ حابارلاعان كەزدە مەن تٸپتٸ قاي سوتقا بارارىن بٸلمەدٸم" دەيدٸ ادۆوكات. قورعاۋ تارابى دەپورتاتسييا تۋرالى شەشٸمدٸ اپەللياتسيياعا بەرمەكشٸ.
ال نازگٷل كەنجەتايدىڭ اعاسى عالىم دوساي كەنجەتاي قازاقستاننىڭ رەسەيدەگٸ كونسۋلدىعى يزولياتورداعى نازگٷل كەنجەتايمەن كەزدەسٸپ شىققانىن ايتتى. "ولار بەرٸ جاقسى بولادى دەپ وتىر" دەدٸ ول.
دوساي كەنجەتاي العاشىندا رەسەي فسب-نان قارىنداسى تۋرالى اقپارات سۇراعان كەزدە "حابارى جوعىن" ايتقانمەن كەيٸن راستاعان. ونىڭ ايتۋىنشا, ماگيستراتۋرادا وقيتىن نازگٷل كەنجەتايدىڭ ديپلومدىق تاقىرىبى – قۇرىپ بارا جاتقان از تٷركٸ حالىقتارىنىڭ بولمىسى تۋرالى زەرتتەۋ. نازگٷل ەمينمەن بٸرگە بۇعان دەيٸن ياكۋتيياعا بارىپ, ۆيدەو تٷسٸرگەن. اقپاراتقا قاراعاندا, ول جەردە دە ەكٸ تٸلشٸ "رەسەيگە كٸرۋ ەرەجەسٸن بۇزدى" دەگەن ايىپپەن ايىپپۇل العان.
تٷرٸكتٸڭ مەملەكەتتٸك اگەنتتٸگٸنٸڭ جازۋىنشا, رەسەي اقپارات قۇرالدارى "كەنجەتاي مەن كاراچاك تىڭشىلىقپەن اينالىسىپ, رەسەيگە قارسى ٷگٸت-ناسيحات جٷرگٸزدٸ, تٷركٸ حالىقتارى رەسەيدە ناشار جاعدايدا ٶمٸر سٷرٸپ جاتىر دەپ كٶرسەتكٸسٸ كەلەدٸ جەنە يسلامدى تاراتىپ جٷر" دەپ نەگٸزسٸز ايىپتاپ, اقپارات تاراتقان. الايدا حاكاسيياداعى تٷركٸلەر "تٷرٸك جۋرناليستەرٸنٸڭ قيىن جاعدايدا قاماۋدا وتىرعانىن كٶرٸپ, ولارعا تاماق پەن سۋ اپارىپ جاتىر" دەپ جازدى.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
