كٶمەك تۋرالى سيگنال قاراعاندى وبلىسىنىڭ تٶتەنشە جاعدايلار دەپارتامەنتٸنە 6 ماۋسىمدا تاڭەرتەڭ تٷسكەن. قوڭىراۋ شالعان ەر ادام دوسىمەن 3 ماۋسىمدا پريوزەرسك قالاسىنان قاراجالعا شىققانىن ايتقان. جولدا كٶلٸكتەرٸ بۇزىلىپ, ەكەۋٸ قالاعا جاياۋ قايتۋعا بەل بۋعان. بٸراق اداسىپ قالعان. ۇيالى بايلانىس بولماي, كەيٸن تەلەفوندارى ٶشٸپ قالعان. دالا كەزگەن ەر ادامدار جٷرگەن جەرٸندە قۇتقارۋشىلارعا ٸز قالدىرعان.
"ەر ادامدار بٸرگە 100 شاقىرىمداي جول جٷردٸ. بٸرەۋٸ ەبدەن شارشاپ, قاراۋسىز قالعان عيماراتتا قالۋدى ۇيعارعان. ال ەكٸنشٸسٸ ارى قاراي جٷرٸسٸن جالعاستىرعان. 6 ماۋسىمدا تاڭەرتەڭ قاراۋسىز قالعان عيماراتتاعى ەر ادام از ۋاقىتقا قۋاتى بٸتكەن تەلەفونىن قوسىپ, بٸزگە حابارلاسىپ ٷلگەردٸ. ول ٶزٸنٸڭ شامامەن ورنالاسقان جەرٸن حابارلاپ ٷلگەردٸ", - دەدٸ پريوزەرسك قالالىق تٶتەنشە جاعدايلار باسقارماسىنىڭ باسشىسى ماقسات ابيۋروۆ.
قۇتقارۋشىلار جوعالعان ەر ادامداردى جەتٸ ساعاتتان كەيٸن تاپقان. ونىڭ سەرٸگٸ 15 شاقىرىم جەردەن تابىلدى.
"ٸزدەۋگە حابارلانعان كوورديناتتاردىڭ دەل بولماۋى كەدەرگٸ كەلتٸردٸ. بۇل اۋماقتا قاراۋسىز قالعان عيماراتتار جيٸ كەزدەسەدٸ, ەربٸر عيماراتتى تەكسەرۋ ٶتە ۇزاق ۋاقىتتى الادى. ەر ادام وت جاققانى دۇرىس بولعان. سيگنالدى كٶرٸپ, سوعان قاراي جٷردٸك. ەكەۋٸ دە شارشاپ, سۋسىز, تاماقسىز كٶپ ۋاقىت جٷردٸ. جول بويى بٸزگە العىس ايتتى, جىلاپ, قۋاندى. بٸز ولارمەن بٸرگە قۋاندىق", – دەيدٸ ماقسات ابيۋروۆ.
ەرلەردٸڭ دەنساۋلىعى قاناعاتتانارلىق, مەديتسينالىق كٶمەك قاجەت ەمەس. قۇتقارۋشىلار الىس جولعا شىققاندا بارلىق ەرەجەنٸ ساقتاۋعا شاقىردى.
"جولعا شىعار الدىندا كٶلٸكتٸڭ جۇمىسقا جارامدىلىعىن تەكسەرٸپ, تۋىستارىنا ەسكەرتٸپ, قايتۋ ۋاقىتىن بەلگٸلەڭٸز, بايلانىس قۇرالدارىن ٶزٸڭٸزبەن بٸرگە الىڭىز, جول بەلگٸلەرٸن قاداعالاڭىز", - دەپ ەسكەرتتٸ پريوزەرسك قالالىق تج بٶلٸمٸنٸڭ باسشىسى ماقسات ابيۋروۆ.
