"حابار" اگەنتتٸگٸ 2022 جىلى Eurovision بايقاۋىن كٶرسەتۋدەن باس تارتۋ سەبەبٸن تٷسٸندٸردٸ, - دەپ حابارلايدى "ۇلت اقپارات".
"ٶزدەرٸڭٸز بٸلەتٸندەي, «حابار» اگەنتتٸگٸ 2016 جىلدان باستاپ ەۋروپالىق حابار تاراتۋ وداعىنىڭ (EBU) قاۋىمداستىرىلعان مٷشەسٸ بولعالى بەرٸ كٶرەرمەندەرٸنە حالىقارالىق EUROVISION ەن بايقاۋىن ٷزبەي ۇسىنىپ كەلدٸ. الايدا اگەنتتٸك بيىلعى بايقاۋدىڭ گراند فينالىنىڭ كٶرسەتٸلٸمٸنەن باس تارتۋعا مەجبٷر (2022 جىلعى مامىردىڭ 15-نە قاراعان تٷنٸ).
شوۋ ٶتە تٶمەن رەيتينگتەر جيناعاندىقتان وسىنداي شەشٸمگە كەلدٸك. بۇدان بٶلەك قازاقستاننىڭ ٶز ەنشٸلەرٸن بايقاۋعا جٸبەرۋگە قۇقى جوق, ال مۇنداي اۋقىمدى شاراعا ليتسەنزييالىق تٶلەمدەر تٶلەنۋٸ تيٸس. سونداي-اق, بايقاۋدىڭ ونلاين كٶرسەتٸلٸم ۋاقىتى دا وتاندىق تەلەكٶرەرمەندەر ٷشٸن ىڭعايسىز – بايقاۋ بٸزدٸڭ ۋاقىتپەن تٷندە ٶتەدٸ.
دەگەنمەن ايتا كەتەرلٸك جايت - «حابار» تەلەارناسىنىڭ كٶرەرمەندەرٸ ماۋسىم ايىندا ۆەنا فيلارمونييالىق وركەسترٸ قوياتىن «Summer Night Concert 2022» اتتى ەدەمٸ كەشتٸ تاماشالايدى. بۇل - «حابار» اگەنتتٸگٸنٸڭ ەۋروپالىق حابار تاراتۋ وداعىنىڭ (EBU) قاۋىمداستىرىلعان مٷشەسٸ بولعاندىقتان تۋعان مٷمكٸندٸك.
سونىمەن قاتار بيىل اگەنتتٸگٸمٸز JUNIOR EUROVISION SONG CONTEST (JESC) قاتىساتىنى انىق. رەسمي اقپارات JESC ۇيىمداستىرۋشى كوميسسيياسىنىڭ شەشٸمٸنەن كەيٸن جارييالانادى. قاتىسۋشىلار جايلى اقپاراتتى كٷتٸپ وتىرمىز.
«حابار» اگەنتتٸگٸ ەلٸمٸزدٸڭ دارا تالانتتارىنا حالىقارالىق ارەنادا سىنعا تٷسۋگە مٷمكٸندٸك تۋعىزىپ, ەلەمدٸك ايتۋلى بايقاۋلاردى ەرٸ قاراي دا كٶرسەتە بەرەدٸ", - دەلٸنگەن اگەنتتٸكتٸڭ ەلەۋمەتتٸك جەلٸدەگٸ حابارلاماسىندا.
