قر دەنساۋلىق ساقتاۋ ۆيتسە-مينيسترٸ اجار عينييات مەكتەپ وقۋشىلارى اراسىندا كوروناۆيرۋس جۇقتىرۋ جاعدايلارىنا قاتىستى تٷسٸنٸك بەردٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا كەزەكشٸ سىنىپتاردا وقىپ جاتقان بالالار اراسىندا كوروناۆيرۋس جۇقتىرۋ جاعدايلارى تۋرالى سۇراق قويىلدى.
«قازٸرگٸ كەزدە كەزەكشٸ سىنىپتار اراسىندا 36 وقيعا تٸركەلدٸ. وسى بالالارمەن بايلانىستا بولعان 575 وقۋشى انىقتالدى, ولاردىڭ اراسىندا دا 10 بالادا اناليز وڭ نەتيجە بەردٸ. اۋرۋ كٶبٸنە بالالار اراسىندا سيمپتومسىز نەمەسە جەڭٸل تٷرٸمەن ٶتٸپ جاتىر. بۇل بالالاردىڭ ٸشٸندە بەسەۋٸ ستاتسيونارلىق كٶمەككە جٷگٸندٸ. ونىڭ ٷشەۋٸنٸڭ جاعدايى ورتاشا دەرەجەدە ەكەنٸ انىقتالدى», - دەدٸ ا. عينييات.
ونىڭ سٶزٸنە قاراعاندا, شىعىس قازاقستان وبلىسىندا اۋىرعان بالالاردىڭ سانى 13-كە جەتتٸ, سولتٷستٸك قازاقستان ٶڭٸرٸندە 12 جاعداي, سونداي-اق باسقا ٶڭٸرلەردە 1-2 بالادان تٸركەلدٸ.
سونىمەن قاتار ۆيتسە-مينيستر قاشىقتان وقىپ جاتقان بالالارعا توقتالدى.
«قاشىقتان وقىپ جٷرگەن وقۋشىلار اراسىندا 73 جاعداي تٸركەلٸپ وتىر. بايلانىستا بولعان 242 ادام انىقتالىپ, ولاردىڭ ٸشٸندە 15 جاعداي بويىنشا اناليزدە وڭ نەتيجە انىقتالدى. بارلىق بالالاردىڭ دەنساۋلىعىن قاتاڭ باقىلاۋدا ۇستاپ وتىرمىز. وسى وقۋشىلار اراسىندا اۋىر جاعداي تٸركەلمەدٸ», - دەدٸ ول.
