قازاقستاننىڭ تۇڭعىش پرەزيدەنتٸ تۋرالى Qazaq - The History of Golden Man فيلمٸن جاساۋشىلاردىڭ بٸرٸ وليۆەر ستوۋن نۇرسۇلتان نازارباەۆپەن سۇحباتىندا قانداي باستى سۇراقتارعا جاۋاپ العىسى كەلەتٸنٸن ايتتى, - دەپ حابارلايدى Tengrinews.kz.
"قاتەلەسپەسەم, قازاقستانعا ەكٸ رەت ساپارمەن باردىق. مەن نازارباەۆقا كەز كەلگەن سۇراق قويا الاتىنىما كٶز جەتكٸزدٸم. ەسٸرەسە رەسەي, قىتاي جەنە اقش اراسىنداعى تەپە-تەڭدٸككە قاتىستى. بٷگٸنگٸ ەلەمدٸك تەرتٸپتە بۇل ٶتە ماڭىزدى نەرسە. اقش قىتاي مەن رەسەيگە قاس, بۇعان بارعان سايىن كٶزٸمٸز جەتٸپ جاتىر. ماعان ەلەمدەگٸ كٷشتەردٸڭ تەپە-تەڭدٸگٸ تۋرالى بٸلۋ قىزىقتى بولدى.
اقش ەلەمدٸ باسقارسا, بۇل بەرٸنە قاۋٸپتٸ جاعداي بولادى. نازارباەۆتىڭ دا ەلەمدەگٸ وسى تەڭدٸكتٸ قالايتىنىن كٶرٸپ وتىرمىن. ول وسى تەپە-تەڭدٸكتٸ كٶرگٸسٸ كەلەدٸ", - دەدٸ ستوۋن وكق بريفينگٸندە.
ول قازاقستان - قىتاي مەن رەسەي اراسىندا ورنالاسقان, اقش-پەن تىعىز قارىم-قاتىناستاعى اسا ٸرٸ ەل ەكەنٸن ايتتى. وسى ەلدەردٸڭ ەرقايسىنىڭ قازاقستانعا قاتىستى ٶز مٷددەلەرٸ بار.
"نازارباەۆ - وسى "ارقاندى جولمەن" جٷرە الاتىن جەنە قانداي دا بٸر قاقتىعىسسىز ادامدار, حالىقتار اراسىنداعى ديالوگقا جول تابا الاتىن ادام. ول ۋكراينا مەن رەسەي اراسىنداعى كەلٸسسٶزدەرگە قاتىستى. نازارباەۆ اقش-پەن دە سٶيلەسە الادى. گورباچەۆ مىرزانىڭ تاعدىرى شەشٸلگەن كەزدە, ول بيلٸك ترانزيتٸن تەگٸستەۋدە باستى رٶل اتقاردى. بٸز كسرو قۇلاعان كەزدە قاتتى قاقتىعىستاردان قۇتىلا العانىمىزدى كٶردٸك. نازارباەۆ 90-جىلدارى ماڭىزدى رٶل اتقاردى دەپ سانايمىن. ونىڭ اقش-پەن يادرولىق قارۋسىزدانۋ مەسەلەلەرٸ جٶنٸندەگٸ كەلٸسسٶزدەرٸ دە ماڭىزدى. مەن قازٸر قازاقستاننىڭ قانداي جاعدايدا ەكەنٸن كٶرٸپ وتىرمىن, مەن ٷشٸن ەل تۋرالى تولىعىراق بٸلۋ قىزىق بولدى", - دەپ بٶلٸستٸ وليۆەر ستوۋن.
ونىڭ ايتۋىنشا, قازاقستاندىقتار ٶز ەلٸنٸڭ ەلەم بولاشاعى ٷشٸن قانشالىقتى ماڭىزدى ەكەنٸن تٷسٸنبەۋٸ مٷمكٸن.
"قازاقستاندا تالانتتى ادامدار كٶپ. بۇل - ٶتە پروگرەسسيۆتٸ ەل. بٸز ٶتكەن عاسىردىڭ 90-جىلدارىنىڭ باسىنان بٷگٸنگە دەيٸنگٸ قىتايداعى سيياقتى, قازاقستانداعى ٷلكەن ٶزگەرٸستەردٸ كٶرٸپ وتىرمىز. امەريكالىق ساراپشىلار بۇل تۋرالى بٸلەدٸ جەنە قازاقستاندى وداقتاس رەتٸندە كٶرگٸسٸ كەلەدٸ, بٸراق بۇل رەسەي مەن قىتايعا قانداي دا بٸر دەرەجەدە قارسى شىققان بولۋى مٷمكٸن. سوندىقتان قازاقستان بارلىق وسى پروتسەستە ماڭىزدى رٶل اتقارادى. قازاقستان بارلىق سەرٸكتەسٸمەن دوستىق قارىم-قاتىناستا. مەن ٷنەمٸ ايتامىن, بٸز بٸر-بٸرٸمٸزبەن كٷرەسۋدٸڭ ورنىنا كليماتتىڭ ٶزگەرۋٸن جەڭۋ ٷشٸن بٸرگە جۇمىس جاساۋىمىز كەرەك, ەيتپەسە بۇل جاقسىلىققا ەكەلمەيدٸ. جالپى, ديپلوماتييا قۇرىلىمىن ٶزگەرتۋ كەرەك", - دەدٸ ول.
ەسكە سالايىق, امەريكالىق كينورەجيسسەر, ستسەناريست جەنە پروديۋسەر, ٷش "وسكار" سىيلىعىنىڭ يەگەرٸ وليۆەر ستوۋن نۇرسۇلتان نازارباەۆتان Qazaq - The history of Golden Man جاڭا فيلمٸن تٷسٸرۋ ٷشٸن سۇحبات العان بولاتىن. فيلمنٸڭ رەجيسسەرٸ - ۋكراينالىق جەنە امەريكالىق كينويندۋسترييانىڭ قايراتكەرٸ يگور لوپاتەنوك, فيلمنٸڭ مۋزىكاسىن "التىن گلوبۋس" يەگەرٸ كومپوزيتور كارلو سيليوتتو, ال مۋزىكاسىن "استانا وپەرا" سيمفونييالىق وركەسترٸنٸڭ ەرتٸستەرٸ ورىندادى.
"سٸزدەر نازارباەۆتى قالاۋىڭىز بويىنشا ديكتاتور, مىقتى ادام, تيران نەمەسە قۇرىلتايشى دەپ اتاي الاسىز. بٸراق سوڭىندا كەڭەس يمپەريياسىنىڭ كٷيرەۋٸ جەنە ەلدٸڭ تەۋەلسٸزدٸككە, ونىڭ ٸشٸندە يادرولىق قارۋدان باس تارتۋعا ماڭىزدى قادامى تۋرالى ويىن ايتاتىن قاراپايىم ادامدى كٶرەسٸز... سونداي-اق, نازارباەۆ قازاقستاننىڭ كٶشپەلٸ تاريحى مەن ەۋرازييانىڭ تەحنولوگييالىق بولاشاعى تۋرالى ەڭگٸمەلەيدٸ. مەنٸڭ ويىمشا, بۇل - جارقىن بولاشاق", - دەدٸ ستوۋن.
وليۆەر ستوۋن - امەريكالىق رەجيسسەر, ستسەناريست جەنە پروديۋسەر. ٷش "وسكار" سىيلىعىنىڭ يەگەرٸ. ول "ۋولل-ستريت", "كاجدوە ۆوسكرەسەنە", "الەكساندر" جەنە "پريروجدەننىە ۋبييتسى" سيياقتى فيلمدەر تٷسٸرگەن.
2017 جىلى وليۆەر ستوۋن تٶرت بٶلٸمنەن تۇراتىن "پۋتينمەن سۇحبات" دەرەكتٸ فيلمٸن تٷسٸردٸ.
