ەلوردادا قازاق تٸلٸندە كونتەنت جاساۋشىلاردىڭ دەستٷرلٸ بەسٸنشٸ فورۋمى باستالدى, دەپ حابارلايدى قازاقپارات.
شارانىڭ اشىلۋىنا قر اقپارات جەنە قوعامدىق دامۋ مينيستٸر ايدا بالاەۆا قاتىسىپ, ۇيىمداستىرۋشى تاراپ – اقش-تىڭ قازاقستانداعى ەلشٸلٸگٸنە العىس بٸلدٸردٸ.
«بيىل تەۋەلسٸزدٸكتٸڭ ٷشٸنشٸ ونجىلدىعىن باعىندىرعان مەملەكەتٸمٸزدٸڭ اقش-پەن ديپلوماتييالىق بايلانىس ورناتقانىنا دا 30 جىل بولىپ وتىر. وسى ۋاقىت ارالىعىندا اقش ەلشٸلٸگٸ ەكٸ ەل اراسىنداعى بايلانىستى نىعايتۋعا ارنالعان تٷرلٸ جوبالارعا تۇراقتى قولداۋ كٶرسەتٸپ كەلەدٸ. سولاردىڭ بٸرٸ – دەستٷرگە اينالعان قازاقتٸلدٸ ونلاين كونتەنت جاساۋشىلار فورۋمى. وسىمەن بەسٸنشٸ رەت ٶتكٸزٸلٸپ وتىرعان بۇل شارا, سٶز جوق, قازاق ينتەرنەتٸندەگٸ ٶزەكتٸ مەسەلەلەردٸ تالقىلاپ, ورتاق شەشٸم تابۋعا سەپتٸگٸن تيگٸزەتٸن اۋقىمدى پلاتفورما», - دەگەن ۆەدومستۆو باسشىسى بٷگٸنگٸ تاڭدا مەملەكەتتٸك باق-تاعى قازاقتٸلدٸ كونتەنتتٸڭ ٷلەسٸ 78 پروتسەنتكە جەتكەنٸن اتادى.
«ونىڭ ٸشٸندە تەلەارناداعى كونتەنت – 79,2 پروتسەنت, باسپا باسىلىمدارى –84,5 پروتسەنت جەنە ينتەرنەت رەسۋرستاردا – 59,81 پروتسەنت. وسىدان 10 جىل بۇرىن مەملەكەتتٸك تٸلدە اقپارات تاراتاتىن التى سايت قانا بولسا, بٷگٸنگٸ جاعداي مٷلدەم بٶلەك. قازٸرگٸ تاڭدا وتاندىق ينتەرنەت مەديانىڭ شامامەن 14 پروتسەنت ٷلەسٸن قازاقتٸلدٸ سايتتار قۇراپ وتىر. جىلدان-جىلعا قازاقتٸلدٸ ينتەرنەت پورتالداردىڭ سانى دا, وقىرماندار قاتارى دا ارتىپ كەلەدٸ. سوڭعى ەكٸ جىل ٸشٸندە جاڭادان 46 سايت اشىلدى. وتاندىق مەديا قازاق تٸلٸندە كونتەنت جاساۋ اقپاراتتىق ساياساتتاعى باسىم باعىتتاردىڭ بٸرٸ. ول سالاداعى اتقارىلعان جۇمىستاردىڭ كٶلەمٸ دە, ساپاسى دا جىلدان-جىلعا ارتىپ كەلە جاتىر», - دەدٸ ايدا بالاەۆا.
