Elordada qazaq tilinde kontent jasaýshylardyń dástúrli besinshi forýmy bastaldy, dep habarlaidy QazAqparat.
Sharanyń ashylýyna QR Aqparat jáne qoǵamdyq damý ministir Aida Balaeva qatysyp, uiymdastyrýshy tarap – AQSh-tyń Qazaqstandaǵy Elshiligine alǵys bildirdi.
«Biyl táýelsizdiktiń úshinshi onjyldyǵyn baǵyndyrǵan memleketimizdiń AQSh-pen diplomatiialyq bailanys ornatqanyna da 30 jyl bolyp otyr. Osy ýaqyt aralyǵynda AQSh elshiligi eki el arasyndaǵy bailanysty nyǵaitýǵa arnalǵan túrli jobalarǵa turaqty qoldaý kórsetip keledi. Solardyń biri – dástúrge ainalǵan qazaqtildi onlain kontent jasaýshylar forýmy. Osymen besinshi ret ótkizilip otyrǵan bul shara, sóz joq, qazaq internetindegi ózekti máselelerdi talqylap, ortaq sheshim tabýǵa septigin tigizetin aýqymdy platforma», - degen vedomstvo basshysy búgingi tańda memlekettik BAQ-taǵy qazaqtildi kontenttiń úlesi 78 protsentke jetkenin atady.
«Onyń ishinde telearnadaǵy kontent – 79,2 protsent, baspa basylymdary –84,5 protsent jáne internet resýrstarda – 59,81 protsent. Osydan 10 jyl buryn memlekettik tilde aqparat taratatyn alty sait qana bolsa, búgingi jaǵdai múldem bólek. Qazirgi tańda otandyq internet medianyń shamamen 14 protsent úlesin qazaqtildi saittar qurap otyr. Jyldan-jylǵa qazaqtildi internet portaldardyń sany da, oqyrmandar qatary da artyp keledi. Sońǵy eki jyl ishinde jańadan 46 sait ashyldy. Otandyq media qazaq tilinde kontent jasaý aqparattyq saiasattaǵy basym baǵyttardyń biri. Ol saladaǵy atqarylǵan jumystardyń kólemi de, sapasy da jyldan-jylǵa artyp kele jatyr», - dedi Aida Balaeva.
