ماۋسىم ايىندا ايلىق ينفلياتسييا 1,6 پايىزعا جەدەلدەگەن. ۇلتتىق بانك ٶكٸلٸ يگور وسيپوۆتىڭ ايتۋىنشا, كەيٸنگٸ 5 جىلدىڭ ماۋسىم ايلارىندا مۇنداي ينفلياتسييا بولىپ كٶرمەگەن, دەپ حابارلايدى قازاقپارات.
ۇلتىق بانكتٸڭ اقشا-كرەديت ساياساتى دەپارتامەنتٸ ناقتى سەكتور مونيتورينگٸ باسقارماسىنىڭ باستىعى يگور وسيپوۆتىڭ ايتۋىنشا, ماۋسىم ايىندا ەلدەگٸ جىلدىق ينفلياتسييا 14,5%-عا (مامىردا – 14%) جەدەلدەگەن.
ايماقتار اراسىندا ماڭعىستاۋ (مامىرداعى 15,2%-دان ماۋسىمدا 17,0%-عا دەيٸن) مەن اقمولا وبلىستارىندا (13,9%-دان 15,3%-عا دەيٸن) ەڭ جوعارى ينفلياتسييا بايقالدى.
«ماۋسىم ايىندا ازىق-تٷلٸك باعاسىنىڭ ٶسۋ قارقىنى 19,2%-عا دەيٸن (مامىردا – 19,0%) ۇلعايدى. مۇنداعى ەڭ جوعارى ٶسٸم ماڭعىستاۋ وبلىسىندا (23,6%) بولدى. ال ازىق-تٷلٸككە جاتپايتىن تاۋارلار باعاسىنىڭ ٶسۋ قارقىنى 13,2%-عا دەيٸن (مامىردا – 11,9%) ارتتى. ەڭ جوعارى مەن نۇر-سۇلتان قالاسىندا (16,4%), ال تٶمەن مەن – شىمكەنت قالاسىندا (10,8%) تٸركەلدٸ. اقىلى قىزمەتتەردٸڭ باعاسى ماۋسىمدا 9,2%-عا ٶستٸ (مامىردا – 9,1%), بۇل رەتتە تٷركٸستان وبلىسىندا جالپى رەسپۋبليكالىق دەڭگەيدەن بٸرشاما جوعارى (11,4%) بولدى, ال اتىراۋ وبلىسىندا ايتارلىقتاي باياۋ (6,0%) ٶستٸ. 2022 جىلدىڭ ماۋسىم ايىندا ەلدەگٸ ايلىق ينفلياتسييا 1,6% بولدى. بۇل سوڭعى 5 جىل ٸشٸندە ماۋسىم ايلارىنداعى ينفلياتسييانىڭ ورتاشا مەنٸنەن ايتارلىقتاي جوعارى (2017-2021 جىلدارى: 0,5%) كٶرسەتكٸش. بٷكٸل ٶڭٸردە 2022 جىلعى ماۋسىمدا باعا ورتاشا تاريحي نورماسىنان جوعارى ٶستٸ. ايلىق ينفلياتسييانىڭ ايتارلىقتاي قارقىنى ماڭعىستاۋ وبلىسىندا (2,6%) تٸركەلدٸ», - دەپ جازىلعان ۇلتتىق بانكتٸڭ رەسمي سايتىندا جارييالانعان تٷسٸندٸرمەدە.
