پارلامەنت مەجٸلٸسٸنٸڭ جالپى وتىرىسىندا پالاتا دەپۋتاتتارى «قر ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى قازاقپارات.
رۇقساتتان ايىرۋ نەمەسە ونىڭ قولدانىلۋىن توقتاتۋ, قىزمەتتٸ توقتاتۋ نەمەسە تىيىم سالۋدى كٶزدەيتٸن جەكەلەگەن ەكٸمشٸلٸك قۇقىق بۇزۋشىلىق ٸستەردٸ قاراۋدى ۋەكٸلەتتٸ ورگانداردىڭ قۇزٸرەتٸنە بەرۋ ەسكەرٸلٸپ وتىر.
«كونستيتۋتسييالىق نوۆەللالار قوعام مەن مەملەكەت ٶمٸرٸنٸڭ بارلىق سالالارىن ودان ەرٸ جاڭعىرتۋدىڭ بەرٸك ٸرگەتاسىن قالادى. كونستيتۋتسييالىق رەفورما اياسىندا اتقارۋشى مەملەكەتتٸك ورگانداردىڭ جەنە ولاردىڭ باسشىلارىنىڭ جاۋاپكەرشٸلٸگٸ ارتتى. وسىعان بايلانىستى بۇل باعىتتا جٷرگٸزٸلٸپ جاتقان مەملەكەتتٸك ساياسات ەكٸمشٸلٸك قۇقىق بۇزۋشىلىق تۋرالى زاڭناماسىندا دا ۇقساس رەفورمالاردى تالاپ ەتەدٸ. وسىلايشا, زاڭ جوباسى تەك سوتپەن عانا قولداناتىن ەكٸمشٸلٸك جازالاردى قايتا قاراۋدى, سونداي-اق ۋەكٸلەتتٸ ورگانداردىڭ قۇزٸرەتٸنە ولارمەن ٶز بەتٸنشە قولدانىلۋى مٷمكٸن ەكٸمشٸلٸك جازالاردى جاتقىزۋدى ۇسىنادى», - دەپ تٷسٸندٸردٸ قر ەدٸلەت مينيسترٸ مارات بەكەتاەۆ.
اتاپ ايتقاندا, ەكٸمشٸلٸك قۇقىق بۇزۋشىلىقتاردىڭ جەتپٸستەن اسا قۇرامدارىن سوتتاردان ۋەكٸلەتتٸ مەملەكەتتٸك ورگانداردىڭ قۇزٸرەتٸنە بەرۋ ۇسىنىلادى. بۇل تۇلعالاردىڭ سوت ورگاندارىنا داۋسىز ٸستەر بويىنشا جٷگٸنۋ قاجەتتٸلٸگٸن الىپ تاستاۋمەن قاتار, مەملەكەتتٸك ورگانداردىڭ جاۋاپكەرشٸلٸگٸن ارتتىرادى.
سونىمەن بٸرگە, ازاماتتاردىڭ ٸستٸ سوتتا قاراۋدى تاڭداۋعا قۇقىعى ساقتالاتىن بولادى. ياعني, بۇل ٸستەر بويىنشا سوت باقىلاۋى جالعاسادى.
مۇنىمەن قوسا, ەكٸمشٸلٸك قۇقىق بۇزۋشىلىق تۋرالى ٸستەردٸ جٷرگٸزۋدٸ ەلەكتروندىق فورماتقا اۋىستىرۋ قاراستىرىلعان.
«ازاماتتار ٷشٸن ەكٸمشٸلٸك قۇقىق بۇزۋشىلىق تۋرالى ٸستٸ قوزعاۋ جەنە ونى قاراۋ تەرتٸبٸ قاراپايىم ەرٸ تٷسٸنٸكتٸ, ال ايىپپۇلداردى تٶلەۋ جٷيەسٸ مەملەكەتتٸك ورگاندارعا نەعۇرلىم از بارۋمەن قوسا, مٷمكٸندٸگٸنشە ىڭعايلى بولعان ماڭىزدى. وسىعان بايلانىستى باس پروكۋراتۋرانىڭ باستاماسى بويىنشا زاڭ جوباسىندا ەكٸمشٸلٸك رەسٸمدەردٸڭ بٸرىڭعاي تٸزٸلٸم جٷيەسٸن ەنگٸزۋ بٶلٸگٸندە تٷزەتۋلەر قاراستىرىلعان. بۇل مەملەكەتتٸك ورگانداردىڭ جەنە ەكٸنشٸ دەڭگەيدەگٸ بانكتەردٸڭ اقپاراتتىق جٷيەلەرٸمەن ينتەگراتسييالاناتىن ەكٸمشٸلٸك پروتسەسٸ بار ەلەكتروندىق ٸستٸ قالىپتاستىرۋعا مٷمكٸندٸك بەرەدٸ», - دەدٸ ۆەدومستۆو باسشىسى.
ايتا كەتەيٸك, اتالعان زاڭ جوباسى اياسىندا ەكٸمشٸلٸك قۇقىق بۇزۋشىلىق ايىپپۇلدارى مٶلشەرٸ تٶمەندەيتٸن بولادى.
«ەكٸمشٸلٸك قۇقىق بۇزۋشىلىق سانكتسييالارىنا جٷرگٸزگەن تالداۋ ولاردى ەكٸمشٸلٸك جاۋاپكەرشٸلٸكتٸ ودان ەرٸ ٸزگٸلەندٸرۋ اياسىندا جەڭٸلدەتۋگە جەنە تٶمەندەتۋگە مٷمكٸندٸك بار ەكەنٸن كٶرسەتتٸ. مەملەكەتتٸك ورگانداردىڭ جەنە ٷكٸمەتتٸك ەمەس ۇيىمداردىڭ ۇسىنىستارى نەگٸزٸندە, سونداي-اق تالداۋ مەن ستاتيستيكالىق دەرەكتەردٸ ەسكەرە وتىرىپ, زاڭ جوباسىمەن قىرىق تٶرت قۇرام بويىنشا ايىپپۇل مٶلشەرٸن ازايتۋ, ون قۇرام بويىنشا ەسٸرە قاتاڭدىقتى تٶمەندەتۋ, التى قۇرام بويىنشا ەسكەرتۋ ەنگٸزۋ ۇسىنىلادى», - دەپ اتاپ ٶتتٸ مارات بەكەتاەۆ.
