تسيفرلىق دامۋ جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز حاتشىسى ماقسات تٶلەگەنوۆ "1 قاراشادا eGov-تى پلاتفورمالىق نۇسقاعا ٶتكٸزۋ تۋرالى شارت جاسالادى" دەگەن اقپاراتقا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
"سوڭعى كەزدە «1 قاراشادا eGov-تى پلاتفورمالىق نۇسقاعا ٶتكٸزۋ تۋرالى شارت جاسالادى-مىس» دەگەن ەڭگٸمە تارالىپ, جۋرناليستەر مەن قوعام ٶكٸلدەرٸ تاراپىنان وسىعان بايلانىستى ساۋالدار تٷسٸپ جاتىر.
بۇل اقپارات شىندىققا جاناسپايدى. كەيبٸر كٸسٸلەر وسىنداي الىپ-قاشپا ەڭگٸمەلەردٸ قاساقانا تاراتۋدا, سوندىقتان جۋرناليست-ەرٸپتەستەردەن تەك قانا رەسمي اقپارات كٶزٸنە سەنۋدٸ ٶتٸنەمٸن: مينيسترلٸكتٸڭ mdai.gov.kz سايتى مەن ەلەۋمەتتٸك جەلٸلەردەگٸ رەسمي اككاۋنتتارى.
سونداي-اق بۇعان دەيٸن العىشارتتار كٶرسەتٸلگەن مەموراندۋم جارييالانعان بولاتىن. مەموراندۋمنىڭ تولىق مەتٸنٸن ەدٸلەت نورماتيۆتٸك قۇقىقتىق اكتٸلەرٸنٸڭ اقپاراتتىق-قۇقىقتىق جٷيەسٸنٸڭ سايتىنان تابا الاسىزدار" - دەپ جازدى ول فەيسبۋكتاعى پاراقشاسىندا.
