Tsifrlyq damý jáne aeroǵarysh ónerkásibi ministrliginiń baspasóz hatshysy Maqsat Tólegenov "1 qarashada eGov-ty platformalyq nusqaǵa ótkizý týraly shart jasalady" degen aqparatqa qatysty túsinikteme berdi, dep habarlaidy "Ult aqparat".
"Sońǵy kezde «1 qarashada eGov-ty platformalyq nusqaǵa ótkizý týraly shart jasalady-mys» degen áńgime taralyp, jýrnalister men qoǵam ókilderi tarapynan osyǵan bailanysty saýaldar túsip jatyr.
Bul AQPARAT ShYNDYQQA JANASPAIDY. Keibir kisiler osyndai alyp-qashpa áńgimelerdi qasaqana taratýda, sondyqtan jýrnalist-áriptesterden tek qana resmi aqparat kózine senýdi ótinemin: ministrliktiń mdai.gov.kz saity men áleýmettik jelilerdegi resmi akkaýnttary.
Sondai-aq buǵan deiin alǵysharttar kórsetilgen memorandým jariialanǵan bolatyn. Memorandýmnyń tolyq mátinin Ádilet normativtik quqyqtyq aktileriniń aqparattyq-quqyqtyq júiesiniń saitynan taba alasyzdar" - dep jazdy ol feisbýktaǵy paraqshasynda.
