ەلوردالىق پوليتسەيلەر «كەرۋەن» ساۋدا ويىن-ساۋىق ورتالىعىندا جٸگٸتتٸ سوققىعا جىققان كٷدٸكتٸنٸ ۇستادى, – دەپ حابارلايدى Polisia.kz سايتى.
اعىمداعى جىلدىڭ 9 قاراشاسىندا ساعات 21.30 شاماسىندا “102” ارناسىنا دوستىق كٶشەسٸ بويىنداعى “كەرۋەن” ساۋدا ويىن-ساۋىق ورتالىعىندا بەلگٸسٸز بٸرەۋلەر تٶبەلەسٸپ جاتقانى تۋرالى حابارلاما كەلٸپ تٷسكەن.
پوليتسييا قىزمەتكەرلەرٸ جاس جٸگٸتتەردٸڭ 17 جاستاعى ەكٸ قىزعا جاقىنداپ, تانىسقىسى كەلگەنٸن, كەيٸن كەمەلەتكە تولماعانداردىڭ بٸرٸ جاقىن جەردەگٸ 19 جاستاعى اعاسىن شاقىرعانىن انىقتادى. كەلگەن بويدا جاستار اراسىندا جانجال تۋىپ, تٶبەلەسكە ۇلاسقان.
كريمينالدىق پوليتسييا قىزمەتكەرلەرٸمەن جٷرگٸزٸلگەن جەدەل-ٸزدەستٸرۋ ٸس-شارالارىنىڭ بارىسىندا كٷدٸكتٸ ۇستالدى. ول 31 جاستاعى ەلوردا تۇرعىنى بولىپ شىقتى.
اتالعان فاكتٸ “بۇزاقىلىق” بابى بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
پوليتسييا دەپارتامەنتٸ ەلوردا تۇرعىندارى مەن قوناقتارىنىڭ قاۋٸپسٸزدٸگٸ ٷشٸن بارلىق قاجەتتٸ شارالاردى قابىلداۋدا. ساۋدا ورتالىعىنىڭ جانىنان پوليتسييانى جەدەل شاقىرۋ تەرمينالى ورناتىلىپ, تەۋلٸك بويى پاترۋلدەۋ جٷرگٸزٸلۋدە.
سونداي-اق, زاڭسىز ەرەكەتتەر ورىن العان جاعدايدا دەرەۋ پوليتسيياعا نەمەسە 102 نٶمٸرٸنە حابارلاسۋ كەرەكتٸگٸن ەسكە سالادى.
