Elordalyq politseiler «Kerýen» saýda oiyn-saýyq ortalyǵynda jigitti soqqyǵa jyqqan kúdiktini ustady, – dep habarlaidy Polisia.kz saity.
Aǵymdaǵy jyldyń 9 qarashasynda saǵat 21.30 shamasynda “102” arnasyna Dostyq kóshesi boiyndaǵy “Kerýen” saýda oiyn-saýyq ortalyǵynda belgisiz bireýler tóbelesip jatqany týraly habarlama kelip túsken.
Politsiia qyzmetkerleri jas jigitterdiń 17 jastaǵy eki qyzǵa jaqyndap, tanysqysy kelgenin, keiin kámeletke tolmaǵandardyń biri jaqyn jerdegi 19 jastaǵy aǵasyn shaqyrǵanyn anyqtady. Kelgen boida jastar arasynda janjal týyp, tóbeleske ulasqan.
Kriminaldyq politsiia qyzmetkerlerimen júrgizilgen jedel-izdestirý is-sharalarynyń barysynda kúdikti ustaldy. Ol 31 jastaǵy elorda turǵyny bolyp shyqty.
Atalǵan fakti “Buzaqylyq” baby boiynsha sotqa deiingi tergeý amaldary júrgizilýde.
Politsiia departamenti elorda turǵyndary men qonaqtarynyń qaýipsizdigi úshin barlyq qajetti sharalardy qabyldaýda. Saýda ortalyǵynyń janynan politsiiany jedel shaqyrý terminaly ornatylyp, táýlik boiy patrýldeý júrgizilýde.
Sondai-aq, zańsyz áreketter oryn alǵan jaǵdaida dereý politsiiaǵa nemese 102 nómirine habarlasý kerektigin eske salady.
