فوتو: elements.envato.com
كەنتاۋ قالاسىندا قوعامدىق دەمحانادان ۋلانعاندار سانى ساعات سايىن ارتىپ بارادى, دەپ حابارلايدى Sputnik قازاقستان.
تٷركٸستانداعى ٶڭٸرلٸك كوممۋنيكاتسييالار قىزمەتٸندە شۇعىل تٷردە بريفينگ ٶتتٸ. بريفينگتە قازٸرگٸ ۋاقىتتا استان ۋلانعاندار سانى 92-گە جەتكەنٸ ايتىلدى.
"جۇقپالى اۋرۋلار بٶلٸمشەسٸنە 92 ادام شاعىمدانىپ كەلگەن. بارلىعىنىڭ ىستىعى كٶتەرٸلٸپ, ٸشتەرٸ ٶتكەن. 26 ماۋسىمدا كەنتاۋ قالاسىنىڭ دەمحاناسىنان تاماق ٸشكەن. قازٸرگٸ تاڭدا 67 ناۋقاس جاتقىزىلدى. ونىڭ 40-ى بالا, 27 - ەرەسەك ادام, 3 - جٷكتٸ ەيەل. بارلىعىنىڭ جاعدايى ورتاشا اۋىر. ەرتەڭگٸ كٷننەن باستاپ جاعدايلارى جاقسارسا, ٷيٸنە شىعارىلا باستايدى", - دەيدٸ كەنتاۋ قالالىق ورتالىق اۋرۋحانا باس دەرٸگەرٸنٸڭ ورىنباسارى اسىلبەك ٶتەباەۆ.
25 ادام امبۋلاتورييالىق ەمدەۋدە, ولاردىڭ دا جاعدايى قاتاڭ باقىلاۋدا.
جۇقپالى اۋرۋلار بٶلٸمشەسٸندە 40 ورىن بولعان, قوسىمشا 40 تٶسەك-ورىن قويىلعان.
ناۋقاستاردىڭ كٶبٸ پيتستسا جەگەن.
"ناۋقاستاردىڭ سانى ەلٸ دە كٶبەيۋٸ مٷمكٸن. الايدا الدىڭعى كٷنگە قاراعاندا ناۋقاستار سانى تۇراقتالىپ كەلەدٸ", - دەدٸ اسىلبەك ٶتەباەۆ.
قازٸرگٸ كٷنٸ تەرگەپ-تەكسەرۋ امالدارى جٷرٸپ جاتىر. قك 304 بابى 1-بٶلٸمٸمەن قىلمىستىق ٸس قوزعالدى. نىسان تولىق تەكسەرٸلدٸ. ساراپتامالاردىڭ بارلىعى الىنىپ, زەرتتەۋگە جٸبەرٸلدٸ.
