تٷركٸستان وبلىسىنىڭ ەكٸمٸ جانسەيٸت تٷيمەباەۆ كەنتاۋ قالاسىنا ارنايى جۇمىس ساپارىمەن باردى. ساپارى بارىسىندا ونداعى بٸرقاتار نىسانداردى ارالاپ, اتقارىلىپ جاتقان جۇمىستارمەن تانىستى.
الدىمەن ايماق باسشىسى ورانعاي اۋىلدىق وكرۋگٸندەگٸ «ەل-بەرەكە» اۋىل شارۋاشىلىعى ٶندٸرٸستٸك كووپەراتيۆٸنە ايالدادى. 2016 جىلى قۇرىلعان نىسان كٶكٶنٸس جەنە جەمٸس-جيدەكتەردٸ قايتا ٶڭدەۋ, ساقتاۋ جەنە دايىن ٶنٸمدٸ ٶتكٸزۋ شارۋالارىن اتقارۋعا باعىتتالعان. كووپەراتيۆتٸڭ جالپى جەر كٶلەمٸ - 300 گەكتاردى قۇرايدى. وندا 50 گا الما باۋى, 30 گا جٷزٸم, 40 گا الحورى, 40 گا ابريكوس, 140 گا باقشا, كٶكٶنٸس داقىلدارى ەگٸلگەن. 30 ادام تۇراقتى جۇمىسپەن قامتىلعان.
مەكەمە جىلىنا 450 مىڭ ليتر جەمٸس-جيدەك شىرىنىن, 1500 توننا كٶكٶنٸس مارينادىن, 1200 توننا تومات, الما, اسقاباق ەزبەلەرٸن دايىنداۋعا قاۋقارلى. كووپەراتيۆٸنە 2018 جىلدىڭ 11 ايىندا جالپى سومماسى 292 ملن. تەڭگەنٸ قۇرايتىن 1950 توننا تاۋار ٶندٸرگەن. ونىڭ 1200 تونناسى ٸشكٸ نارىققا ٶتكٸزٸلسە, 750 تونناسى رەسەي فەدەراتسيياسىنا ەكسپورتتالعان.
قازٸرگٸ تاڭدا اتالعان مەكەمە اۋىل شارۋاشىلىق داقىلدارىن الۋ جٶنٸندە جالپى جەر كٶلەمٸ 350 گەكتار قۇرايتىن 7 اۋىل شارۋاشىلىق تاۋار ٶندٸرۋشٸلەرٸمەن كەلٸسٸم شارت جاساسقان.
سونداي-اق, ايماق باسشىسى «كەنتاۋ سەرۆيس» مەملەكەتتٸك كوممۋنالدىق كەسٸپورنىن ارالاپ كٶردٸ. قالانى جىلۋمەن قامتاماسىز ەتەتٸن مەكەمە 2011 جىلى قۇرىلعان. سەرٸكتەستٸكتە 395 ادام جۇمىس ٸستەيدٸ. اتالعان مەكەمە 334 كٶپقاباتتى تۇرعىن ٷيگە, 2121 جەكە ٷيگە, 374 كوممەرتسييالىق نىسانعا جەنە 102 بيۋدجەتتٸك مەكەمەگە جىلۋ بەرٸپ كەلەدٸ. جالپى قالادا 38,2 شاقىرىم ماگيسترالدىق, 116,8 شاقىرىم ٸشكٸ ورامدىق جىلۋ قۇبىرى تارتىلعان.
مەكەمە باسشىسى تٶلەۋ ەشٸرحان ەلباسىنىڭ تاپسىرماسىنا سەيكەس, كوممۋنالدىق قىزمەتتٸڭ قۇنى 136-دان 103,88 تەڭگەگە نەمەسە 23,88 پايىزعا ارزانداتىلعانىن جەتكٸزدٸ. سونداي-اق, تٶمەن جالاقى الاتىن 60-تان استام ازاماتتىڭ ەڭبەكاقىسىن كٶتەرۋ ماقساتىندا مەكەمە بيۋدجەتٸنەن 1 ملن. 600 مىڭ تەڭگە قارالىپ وتىرعانىن ايتتى.
اتقارىلىپ جاتقان شارۋالارعا قانىققان وبلىس ەكٸمٸ حالىققا ساپالى قىزمەت كٶرسەتۋ باعىتىندا تيٸستٸ شارالاردى دەر كەزٸندە اتقارۋدى تاپسىردى.
