قاراعاندى وبلىسىندا «ارسەلورميتتال تەمٸرتاۋ» جۇمىسشىلارىنىڭ مەسەلەسٸن شەشۋ ٷشٸن كەلٸسٸم كوميسسيياسى ٶز جۇمىسىن باستادى. ونى ٶڭٸر باسشىسى جەڭٸس قاسىمبەك باسقاردى, دەپ حابارلايدى قازاقپارات.
«ارسەلورميتتال تەمٸرتاۋ» بارلىق شاحتالارىنىڭ قىزمەتكەرلەرٸ «ارسەلورميتتال تەمٸرتاۋ» كومپانيياسى باسشىلىعىنىڭ الدىنا ٶز تالاپتارىن قويىپ وتىر. وسىعان بايلانىستى كەنشٸلەردٸڭ مەسەلەلەرٸن قاراۋ ٷشٸن كەلٸسٸم كوميسسيياسى قۇرىلدى. كوميسسييا قۇرامىنا كومپانييا باسشىلىعى, مەملەكەتتٸك ورگانداردىڭ, كەسٸپوداقتاردىڭ جەنە ەر شاحتانىڭ باستاماشىل جۇمىسشىلار توبىنىڭ ٶكٸلدەرٸ كٸردٸ.
«قازٸر ەڭبەك ۇجىمدارىن تولعاندىراتىن بٸرقاتار پروبلەمالار بٸرٸنشٸ ورىنعا شىقتى. بٸز باستاماشىل توپپەن بٸرگە كومپانييا باسشىلىعىمەن تالقىلاعىمىز كەلەتٸن مەسەلەلەر تٸزٸمٸن قۇردىق», – دەدٸ «قورعاۋ» كٶمٸرشٸلەر كەسٸپوداعىنىڭ تٶراعاسى ەۆگەنيي بۋسلاەۆ.
ول 12 تارماقتان تۇراتىن سۇراقتار تٸزٸمٸن اتاپ ٶتتٸ. ولاردىڭ اراسىندا ەڭبەكاقىنى كٶتەرۋ, قاۋٸپسٸزدٸكتٸ قامتاماسىز ەتۋ, شاحتالاردى ماتەريالدىق-تەحنيكالىق جابدىقتاۋ جەنە ت.ب. بار.
«بٸز «ارسەلورميتتال تەمٸرتاۋ» قىزمەتكەرلەرٸنٸڭ ەڭبەك جاعدايلارى مەن ٶمٸر سٷرۋ ساپاسىن جاقسارتۋ بويىنشا ماڭىزدى ەدٸل شەشٸمدەر قابىلداۋىمىز كەرەك. بٸز بەرٸمٸز كەسٸپورىندارىمىزدىڭ تۇراقتى جەنە قاۋٸپسٸز جۇمىس ٸستەگەنٸن قالايمىز. ەڭ الدىمەن قىزمەتكەرلەردٸڭ مٷددەلەرٸ ەسكەرٸلۋٸ تيٸس», – دەپ اتاپ ٶتتٸ جەڭٸس قاسىمبەك.
ەسكە سالا كەتەيٸك, 7 قاراشادا «اباي» شاحتاسىندا كەنەتتەن مەتان تاراپ, نەتيجەسٸندە 6 كەنشٸ قازا تاۋىپ, ەكەۋٸ زارداپ شەككەن بولاتىن.
