بەلگٸلٸ قازاقستاندىق بيزنەسمەن كەڭەس راقىشەۆ قازاقستان بوكس فەدەراتسيياسىنىڭ پرەزيدەنتٸ بولىپ سايلاندى, دەپ حابارلايدى "ۇلت اقپارات".
«ۇلتتىق وليمپيادا كوميتەتٸنٸڭ پرەزيدەنتٸ رەتٸندە بوكستىڭ دامۋىنا ٷلەسٸمدٸ قوسا بەرەمٸن. الدا قويعان مٸندەتتەردٸ ورىنداپ كەلەمٸز. الداعى ۋاقىتتا دا سولاي بولارىنا سەنەمٸن. ٶز ورنىما كەڭەس راقىشەۆتى ۇسىنامىن», - دەدٸ تيمۋر قۇلىباەۆ بٷگٸن ەلوردادا ٶتكەن قازاقستان بوكس فەدەراتسيياسىنىڭ وتىرىسىندا.
فەدەراتسييا مٷشەلەرٸنٸڭ بارلىعى بٸراۋىزدان كەڭەس راقىشەۆتىڭ قازاقستان بوكس فەدەراتسيياسى باسشىلىعىنا كەلۋٸنە داۋىس بەردٸ.
وتىرىس بارىسىندا 2009 جىلدان بەرٸ قازاقستان بوكس فەدەراتسيياسىن باسقارىپ كەلە جاتقان تيمۋر قۇلىباەۆقا «قازاقستان بوكس فەدەراتسيياسىنىڭ قۇرمەتتٸ پرەزيدەنتٸ» اتاعى بەرٸلدٸ.
ەسكە سالا كەتسەك, بوكس فەدەراتسيياسىنىڭ بٷگٸنگٸ وتىرىسىندا قازاقستان بوكس فەدەراتسييانىڭ پرەزيدەنتٸ تيمۋر قۇلىباەۆ قىزمەتٸنەن كەتەتٸنٸن مەلٸمدەگەن بولاتىن.
