قۇتقارۋشىلار كەمەروۆوداعى «زيمنيايا ۆيشنيا» ساۋدا ورتالىعىندا ٶرت بولعان جەردەن 53 ادامنىڭ مٷردەسٸن تاپقان. بۇل تۋرالى تاسس جەدەل شتابقا سٸلتەمە جاساپ حابارلايدى.
«كينوتەاتر اۋماعىنان تاعى 5 ادامنىڭ دەنەسٸ تابىلدى. قازا تاپقانداردىڭ جالپى سانى 53 ادام», - دەدٸ شتاب ٶكٸلٸ.
سونداي-اق, ول اۋرۋحاناعا 12 ادام جەتكٸزٸلگەنٸن, ال زارداپ شەككەن 36 ادامعا امبۋلاتورلىق كٶمەك كٶرسەتٸلگەنٸن مەلٸم ەتتٸ.
شتابتا حابارلانعانداي, قازٸر 16 ادام ٸزدەستٸرٸلٸپ جاتىر. «ولار تٶرتٸنشٸ قابات وپىرىلعان كەزدە ٷشٸنشٸ قاباتقا تٷسٸپ كەتكەن كينوزالداردا بولۋى مٷمكٸن», - دەپ تٷسٸندٸردٸ اگەنتتٸكتٸڭ دەرەككٶزٸ.
تجم باسشىسىنىڭ ورىنباسارى ۆلادلەن اكسەنوۆ بۇدان بۇرىن 48 ادامنىڭ قازا تاپقانىن حابارلاعان ەدٸ.
«ٷش كينوزالدىڭ ەكەۋٸ تٶرتٸنشٸ قاباتتان ٷشٸنشٸ قاباتقا وپىرىلىپ تٷستٸ», - دەدٸ ول.
رەسەي تجم باسشىسى ۆلاديمير پۋچكوۆ مۇنىڭ ەڭ قيىن جۇمىس ۋچاستوگى ەكەندٸگٸن اتاپ ٶتتٸ.
«مەن ٸزدەۋ جۇمىستارىن جٷرگٸزۋ ٷشٸن قوسىمشا ەكٸ ۋچاستوك قۇرۋدى تاپسىردىم», - دەپ مەلٸم ەتتٸ ول.
بۇدان بۇرىن «زيمنيايا ۆيشنيا» ساۋدا ٷيٸندە شىققان ٶرتتەن 37 ادامنىڭ قازا تاپقانى حابارلانعان ەدٸ. تاعى 43 ادام زارداپ شەككەن.
جەدەل شتابتان ساۋدا ورتالىعىنداعى ٶرتتٸڭ سٶندٸرٸلگەنٸن حابارلادى.
