رەسەيدٸڭ كەمەروۆو قالاسىنداعى «زيمنيايا ۆيشنيا» ساۋدا ٷيٸندە بولعان الاپات ٶرت پاۆلودارلىقتاردىڭ ٶمٸرٸن جالمادى, دەپ حابارلايدى Baq.kz اقپارات اگەنتتٸگٸنٸڭ ٶڭٸردەگٸ تٸلشٸسٸ.
بۇل قايعىلى اقپاراتتى قازا تاپقانداردىڭ تۋعان-تۋىسقاندارى مەن تانىستارى راستادى.
«ساۋدا ٷيٸندە پاۆلودار قالاسىنىڭ №16 ليتسەيٸندە وقىعان ەپكەمنٸڭ كلاستاسى دا كٶز جۇمدى. ناتاليا ۋستينوۆا وقۋىن ٷزدٸك تەمامدادى. ول جات جەردە 4 جاسار قىزى ۋليانا ۋستينوۆامەن بٸرگە اجال قۇشتى», - دەيدٸ ۆەرونيكا گونچارۋك.
بٷگٸنگٸ تاڭدا ناتاليا مەن ۋليانا ۋستينوۆالار ساۋدا ٷيٸندە قايتىس بولعان جەنە تابىلعانداردىڭ تٸزٸمٸندە بولعانى بەلگٸلٸ.
ايتا كەتەيٸك, تٶتەنشە وقيعا كەزٸندە 57 جاسار پاۆلودار تۇرعىنى, ناتاليا ۋستينوۆانىڭ اناسى مارينا بارانوۆا دا قايتىس بولدى. ازامات ەڭبەك دەمالىسىنا كەمەروۆو قالاسىنا قىدىرىپ بارعان. «پاۆلودار-ۆودوكانال» جشس قىزمەتكەرٸنٸڭ ٷش نەمەرەسٸ دە كٶز جۇمدى.
ەسكە سالا كەتسەك, وسىدان ەكٸ جىل بۇرىن فرانتسييانىڭ نيتستسا قالاسىندا بولعان تەراكتٸدە دە پاۆلودارلىق وتباسى قارا جامىلعان بولاتىن. 50 جاسار ليۋبوۆ, 33 جاسار مارينا مەن ٷش جاسار سيلۆييا لاڭكەستٸك ەرەكەتتٸڭ قۇربانى بولدى.
