كەمەروۆتەگٸ ساۋدا ورتالىعىندا بولعان ٶرتتەن زارداپ شەككەندەردٸڭ سانى 79 ادامعا جەتتٸ, - دەپ حابارلايدى ريا نوۆوستي جەدەل قىزمەتتەگٸ دەرەككٶزدەرٸنە سٸلتەمە جاساپ.
"زارداپ شەككەندەردٸڭ سانى 79 ادامعا جەتتٸ", - دەپ حابارلادى ۆەدومستۆوداعىلار.
"بٷگٸندە 12 ادام اۋرۋحاناعا جەتكٸزٸلدٸ, 67 زارداپ شەككەن ادامعا امبۋلاتورلىق ەم بەلگٸلەندٸ", - دەپ حابارلادى اگەنتتٸك.
وسىعان دەيٸن كەمەروۆ وبلىسىنىڭ گۋبەرناتورى امان تٶلەەۆ قازا تاپقاندار مەن زارداپ شەككەندەردٸڭ وتباسىنا قانداي كٶمەك كٶرسەتٸلەتٸنٸن ايتقان بولاتىن. گۋبەرناتوردىڭ ايتۋىنشا, قازا تاپقان ادامنىڭ وتباسىنا 5 ميلليون رۋبل بەرٸلەدٸ. ال ٶرتتەن جەڭٸل جاراقات العاندارعا - 400 مىڭ رۋبل, اۋىر جاراقات العاندارعا - 800 مىڭ رۋبل.
ايتا كەتەيٸك, كەمەروۆتٸڭ ورتالىق الاڭىندا ەلٸ دە جاپپاي ميتينگ جالعاسىپ جاتىر. "كەمەروۆتە ميتينگ. 4 مىڭعا جۋىق ادام ەكٸمشٸلٸك عيماراتتىڭ ماڭىنا جينالىپ, امان تٶلەەۆتٸڭ وتستاۆكاعا كەتۋٸن تالاپ ەتٸپ جاتىر. جينالعانداردىڭ ٸشٸندە "زيمنيايا ۆيشنيا" ساۋدا ورتالىعىندا بولعان ٶرتتەن قازا تاپقانداردىڭ تۋىستارى", - دەپ جازعان ەدٸ وسىعان دەيٸن باق ٶكٸلدەرٸ.
سونداي-اق, ميتينگ كەزٸندە كەمەروۆ وبلىسىنىڭ ۆيتسە-گۋبەرناتورى سەرگەي تسيۆيلەۆ قايعىلى جاعداي ٷشٸن تۇرعىنداردان تٸزەرلەپ تۇرىپ كەشٸرٸم سۇراعان بولاتىن.
وسىعان دەيٸن كەمەروۆتەگٸ "زيمنيايا ۆيشنيا" ساۋدا ورتالىعىندا بولعان ٶرتتەن قازا تاپقانداردىڭ 41-ٸ بالالار ەكەنٸ حابارلانعان ەدٸ. رەسمي مەلٸمەتتەرگە قاراعاندا, 25 ناۋرىزدا بولعان تٶتەنشە جاعدايدان بارلىعى 64 ادام قازا بولدى.
رەسەي پرەزيدەنتٸ ۆلاديمير پۋتين دە قازٸرگٸ ۋاقىتتا كەمەروۆتە. وسىعان دەيٸن رەسەي پرەزيدەنتٸ كەمەروۆتەگٸ 64 ادامنىڭ ٶلٸمٸنە ەكەپ سوققان "زيمنيايا ۆيشنيا" ساۋدا ٷيٸندە بولعان ٶرتتٸڭ نەدەن شىققانىنا قاتىستى پٸكٸر بٸلدٸرگەن بولاتىن.
"بٸزدە نە بولىپ جاتىر, بۇل ەسكەري قاقتىعىس ەمەس, كەن ورنىنداعى مەتاننىڭ شىعىپ كەتۋٸ ەمەس قوي. ادامدار دەمالۋعا كەلدٸ, بالالار. دەموگرافييا تۋرالى ايتىپ, وسىنشا ادامدى نەگە جوعالتىپ وتىرمىز? بۇل قىلمىستىق سالعىرتتىقتان, بوس بەلبەۋلٸكتەن بولدى", - دەگەن ەدٸ پۋتين ٶرت سالدارىن جويۋعا ارنالعان كەمەروۆتەگٸ جيىن بارىسىندا.
Cونداي-اق, وسىعان دەيٸن اۋرۋحانالاردا تٶتەنشە جاعدايدان زارداپ شەككەن 13 ادامنىڭ جاتقانى ايتىلعان بولاتىن. كەيٸننەن تاعى 50 ادام مەديتسينالىق كٶمەككە جٷگٸنگەن.
