قر پرەمەر-مينيسترٸ ەليحان سمايىلوۆ كٶشٸ-قون مەسەلەلەرٸ جٶنٸندە كەڭەس ٶتكٸزدٸ, وندا رەسەي فەدەراتسيياسىنان كەلۋشٸلەر سانىنىڭ ارتۋىنا قاتىستى قالىپتاسىپ وتىرعان احۋال تالقىلاندى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
كەلگەن ادامداردى ٶڭٸرلەر بويىنشا ورنالاستىرۋ, جۇمىسقا تۇرۋ ىقتيمالدىعىن قاراستىرۋ جەنە كەڭەس بەرۋ مەسەلەلەرٸ بويىنشا ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا, ميگرانتتاردى تٸركەۋ جەنە قۇقىقتىق تەرتٸپتٸ قامتاماسىز ەتۋ مەسەلەلەرٸ بويىنشا ٸشكٸ ٸستەر مينيسترٸ مارات احمەتجانوۆ, جالعا بەرٸلەتٸن تۇرعىن ٷي نارىعىنىڭ قۇقىقتىق اسپەكتٸلەرٸ بويىنشا ەدٸلەت مينيسترٸ قانات مۋسين سٶز سٶيلەدٸ.
تالقىلاۋعا عىلىم جەنە جوعارى بٸلٸم مينيسترٸ ساياسات نۇربەك, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين, باتىس قازاقستان وبلىسىنىڭ ەكٸمٸ عالي ەسقاليەۆ جەنە الماتى قالاسىنىڭ ەكٸمٸ ەربولات دوساەۆ قاتىستى.
پرەمەر-مينيستر ٶڭٸرلەردە ەلەۋمەتتٸك شيەلەنٸسكە جول بەرمەۋ ٷشٸن ورتالىق جەنە جەرگٸلٸكتٸ مەملەكەتتٸك ورگانداردىڭ ٸس-قيمىلىن ٷيلەستٸرۋدٸ كٷشەيتۋ قاجەتتٸگٸن اتاپ ٶتتٸ.
«ەلدەگٸ قۇقىقتىق تەرتٸپ پەن قاۋٸپسٸزدٸكتٸ قامتاماسىز ەتۋ جٶنٸندەگٸ جۇمىستى كٷشەيتۋ, سونداي-اق كەلٸپ جاتقان رەسەيلٸكتەرگە جەردەم كٶرسەتۋ كەرەك: ەاەو زاڭناماسىنا سەيكەس ولاردى ۋاقىتىلى تٸركەپ, ەڭبەكپەن قامتۋ مەسەلەلەرٸن قاراستىرۋ قاجەت. بۇل ورايدا جالعا بەرٸلەتٸن تۇرعىن ٷي نارىعىنداعى احۋالدى تۇراقتاندىرۋ بويىنشا شارالار قابىلداۋ ماڭىزدى», — دەدٸ ەليحان سمايىلوۆ.
ونىڭ ايتۋىنشا, بارلىق مەملەكەتتٸك قۇرىلىمدار ٶز قۇزىرەتٸ اياسىندا وتانداستارىمىزعا دا, ميگرانتتارعا دا تاراپتاردىڭ قۇقىقتارى مەن جاۋاپكەرشٸلٸگٸنە بايلانىستى تٷسٸندٸرۋ جۇمىستارىن جٷرگٸزۋٸ قاجەت. الداعى كٷندەرٸ بۇل ماقساتتا جەدەل جەلٸلەر اشىلادى.
سونىمەن قاتار پرەمەر-مينيستر ۋاقىتشا كەلگەن شەتەل ازاماتتارىن جۇمىسقا ورنالاستىرۋ كەزٸندە ەڭبەك زاڭناماسىنىڭ ساقتالۋىنا باقىلاۋدى كٷشەيتۋدٸ تاپسىردى.
وعان قوسا, پرەمەر-مينيستر بارلىق كٶلٸك ينفراقۇرىلىمىنىڭ تۇراقتى جۇمىس ٸستەۋٸن قامتاماسىز ەتۋدٸ, ەلگە كەلٸپ جاتقان ادامداردىڭ بٸر جەردە شوعىرلانۋىن بولدىرماۋ جٶنٸندە قاجەتتٸ شارالار قابىلداۋدى, حقكو-لاردىڭ ٷزدٸكسٸز جۇمىس ٸستەۋٸ ٷشٸن قوسىمشا قىزمەت كٶرسەتۋ تەرەزەلەرٸن اشۋدى تاپسىردى.
