تانىمال قازاقستاندىق ەنشٸ ديماش قۇدايبەرگەن "نوۆايا ۆولنا - 2021" كونكۋرسى كەزٸندە فاناتتارىمەن فوتوسەسسييا ٶتكٸزدٸ, دەپ حابارلايدى Sputnik قازاقستان.
ۆيدەودا ديماش ەرتٸستەر شىعاتىن جەردە بايقاۋعا كەلگەن كٶرەرمەندەرمەن فوتوعا تٷسٸپ جٷر. قورشاۋدىڭ ارعى جاعىندا قالعان فاناتتار "ديماش! ديماش!" دەپ ايقايلاپ تۇر. ەنشٸ ولاردى ەستٸپ تۇرعانىن بٸلدٸرٸپ, العىسىن قايتا-قايتا ايتادى.
فوتوسەسسييانىڭ سوڭىندا كٸشكەنتاي قىز كەلٸپ, سۋرەتكە تٷسۋدٸ سۇرايدى. ديماش "كەل, كەل, كٷنٸم سول" دەپ قۇشاقتاپ تۇرىپ فوتوعا تٷسەدٸ. سوسىن "مەن ساعان گٷل سىيلاسام بولا ما? ونى بەرگەن ادام رەجٸمەيدٸ دەپ سەنەمٸن" دەيدٸ دە, بٸر شوق راۋشان گٷلٸن كٸشكەنتاي قىزعا سىيلاپ, ماڭدايىنان سٷيەدٸ.
ايتا كەتەرٸ, ديماش قۇدايبەرگەن "نوۆايا ۆولنا - 2021" كونكۋرسىنىڭ اشىلۋىندا ەكٸ رەت ەن ايتتى. الدىمەن يگور كرۋتويدىڭ سٷيەمەلدەۋٸمەن ناۋرىز ايىندا شىققان "Your Love" كومپوزيتسيياسىن ورىندادى. وسىدان كەيٸن اقىن شارون ۆوننىڭ سٶزٸنە جازىلعان "Stranger" ەنٸنٸڭ تۇساۋكەسەرٸ بولدى.
بيىل ديماش قۇدايبەرگەن كونكۋرستىڭ قازىلار القاسىنىڭ قۇرامىنا كٸردٸ. ودان بٶلەك يگور كرۋتوي, فيليپپ كيركوروۆ, سۆەتلانا لوبودا, سەرگەي لازارەۆ, Artik & Asti, لەونيد اگۋتين مەن ديما بيلان تٶرەشٸلٸك ەتۋدە.
جارىستىڭ فينالىندا ەلەمنٸڭ 9 ەلٸنەن 11 قاتىسۋشى باس جٷلدە ٷشٸن تالاسادى. بايقاۋعا قازاقستاننىڭ اتىنان "Mezzo" توبى قاتىسىپ جاتىر.
