Tanymal qazaqstandyq ánshi Dimash Qudaibergen "Novaia volna - 2021" konkýrsy kezinde fanattarymen fotosessiia ótkizdi, dep habarlaidy Sputnik Qazaqstan.
Videoda Dimash ártister shyǵatyn jerde baiqaýǵa kelgen kórermendermen fotoǵa túsip júr. Qorshaýdyń arǵy jaǵynda qalǵan fanattar "Dimash! Dimash!" dep aiqailap tur. Ánshi olardy estip turǵanyn bildirip, alǵysyn qaita-qaita aitady.
Fotosessiianyń sońynda kishkentai qyz kelip, sýretke túsýdi suraidy. Dimash "Kel, kel, kúnim sol" dep qushaqtap turyp fotoǵa túsedi. Sosyn "Men saǵan gúl syilasam bola ma? Ony bergen adam rejimeidi dep senemin" deidi de, bir shoq raýshan gúlin kishkentai qyzǵa syilap, mańdaiynan súiedi.
Aita keteri, Dimash Qudaibergen "Novaia volna - 2021" konkýrsynyń ashylýynda eki ret án aitty. Aldymen Igor Krýtoidyń súiemeldeýimen naýryz aiynda shyqqan "Your Love" kompozitsiiasyn oryndady. Osydan keiin aqyn Sharon Vonnyń sózine jazylǵan "Stranger" ániniń tusaýkeseri boldy.
Biyl Dimash Qudaibergen konkýrstyń qazylar alqasynyń quramyna kirdi. Odan bólek Igor Krýtoi, Filipp Kirkorov, Svetlana Loboda, Sergei Lazarev, Artik & Asti, Leonid Agýtin men Dima Bilan tóreshilik etýde.
Jarystyń finalynda álemniń 9 elinen 11 qatysýshy bas júlde úshin talasady. Baiqaýǵa Qazaqstannyń atynan "Mezzo" toby qatysyp jatyr.
