تٷركٸستان وبلىسى, قازىعۇرت اۋدانىنداعى «بابالار رۋحىنا تاعزىم» كەشەنٸندە قازاقتىڭ ٷش بيٸنٸڭ ەڭسەلٸ ەسكەرتكٸشٸ اشىلدى.
شاراپحانا اۋىلىندا ٶتكەن سالتاناتتى شاراعا وبلىس ەكٸمٸ ٶمٸرزاق شٶكەەۆ پەن قر مەملەكەتتٸك سىيلىعىنىڭ يگەرٸ اسانەلٸ ەشٸموۆ, قر پارلامەنتٸ مەجٸلٸسٸنٸڭ دەپۋتاتى ساۋىتبەك ەبدٸراحمانوۆ پەن مەملەكەت جەنە قوعام قايراتكەرٸ قۋانىش ايتاحانوۆ سىندى ازاماتتار قاتىستى. ەڭسەلٸ ەسكەرتكٸش مەملەكەت قايراتكەرٸ, «جەتٸ جارعى» جەنە «قوجابەرگەن جىراۋ» قورىنىڭ تٶراعاسى بەكەت تۇرعاراەۆتىڭ باستاماسىمەن جەنە «تٷگەيبولات بابا» قورىنىڭ ەسەبٸنەن ورناتىلدى. ۇلى دالا دانالارىنىڭ بٸرٸ - ەيتەكە بي بەيبەكۇلىنىڭ 375 جىلدىق مەرەي تويىنا وراي ۇلتتىڭ ۇلى بيلەرٸ تٶلە, قازىبەك جەنە ەيتەكە بيگە ورناتىلعان تاس مٷسٸندەردٸڭ اشىلۋ سالتاناتىندا ايماق باسشىسى قۇتتىقتاۋ سٶز سٶيلەپ, ايتۋلى شارانىڭ ماڭىزىنا توقتالىپ ٶتتٸ.
«بٷگٸنگٸ ٶتكٸزٸلٸپ جاتقان شارانىڭ ماڭىزى وراسان زور. ٶيتكەنٸ, تاريح قويناۋىنداعى اتاقتى بيلەردٸڭ ەسٸمٸن قايتا جاڭعىرتىپ, ٶنەگەلٸ ٶمٸرٸن ٶسكەلەڭ ۇرپاققا ٷلگٸ ەتۋدٸڭ ٶزٸ ٷلكەن تەربيە ەكەنٸن ۇمىتپاۋىمىز كەرەك. قازاقستان رەسپۋبليكاسىنىڭ تۇڭعىش پرەزيدەنتٸ, ەلباسى نۇرسۇلتان نازارباەۆتىڭ ەل تەۋەلسٸزدٸگٸن نىعايتۋ جولىنداعى قاجىرلى ەڭبەگٸ - «بولاشاققا باعدار: رۋحاني جاڭعىرۋ», «ۇلى دالانىڭ جەتٸ قىرى» اتتى ماقالالارى قازاقستاندىقتار اراسىندا زور سەرپٸلٸس تۋعىزىپ, اۋقىمدى جۇمىستاردىڭ جٷرگٸزٸلۋٸنە جول اشتى. مەدەنيەت, بٸلٸم, ٶنەر سالالارىندا بۇرىن-سوڭدى بولماعان باستامالار جٷزەگە استى. قازاق حالقىنىڭ بٸرلٸگٸن نىعايتۋعا زور ٷلەس قوسقان اتاقتى ٷش بيدٸ بٸر-بٸرٸنەن بٶلٸپ قاراۋعا بولمايدى. ولاردىڭ باستى ماقساتى - ەل تەۋەلسٸزدٸگٸنە قول جەتكٸزۋ, قازاق حالقىنىڭ ىنتىماعى مەن بٸرلٸگٸن نىعايتۋ ەدٸ. «بابالار رۋحىنا تاعزىم» كەشەنٸ توعىز جولدىڭ توعىسىندا ورنالاسقاندىقتان, بۇل نىساندار وسىندا كەلۋشٸ تۋريستەردٸڭ دە نازارىن اۋداراتىنىنا سەنٸمدٸمٸن»,- دەدٸ ٶمٸرزاق شٶكەەۆ.
شامامەن 100 ملن. تەڭگەگە تۇرعىزىلعان ەسكەرتكٸشتەر قازىعۇرت اۋدانى ارقىلى ٶتەتٸن شىمكەنت - تاشكەنت حالىقارالىق كٷرە جولىنىڭ بويىندا, «بابالار رۋحىنا تاعزىم» كەشەنٸندە بوي كٶتەردٸ. وسىعان وراي ۇيىمداستىرىلعان شارادا قازاقتىڭ بەتكە ۇستار ەل اعالارى مەن زييالى قاۋىم ٶكٸلدەرٸ ٷش بيدٸڭ تاريحىمىزداعى الار ورنى ەرەكشە ەكەنٸن اتاپ ٶتتٸ.
«ٷش بيدٸڭ ەسكەرتكٸشٸن ساياباقتىڭ قاق ورتاسىنا, كٷنشىعىسقا قاراتىپ ورناتتىق. شىمكەنت-تاشكەنت جولىنىڭ بويىندا الىستان مەنمۇندالاپ تۇرادى. ەسكەرتكٸشتٸڭ ماڭدايىنا «ۇلى دالا دانالارى», «ۇلتتىڭ ۇلى بيلەرٸ» دەپ جازىپ قويدىق. ەرينە, قازاقتا بيلەر كٶپ بولعان. بٸراق وسى ٷش بيدٸ بٷكٸل قازاق مويىنداعان. بۇل ورناتىلعان ەسكەركٸش ەلدٸگٸمٸز بەن بٸرلٸگٸمٸزدٸ ايقىنداپ تۇرادى دەپ سەنەمٸن»,- دەيدٸ مەملەكەت قايراتكەرٸ, «جەتٸ جارعى» جەنە «قوجابەرگەن جىراۋ» قورىنىڭ تٶراعاسى بەكەت تۇرعاراەۆ. جيىن سوڭى رەسپۋبليكاعا ەڭبەگٸ سٸڭگەن تانىمال ەنشٸلەردٸڭ كونتسەرتتٸك باعدارلاماسىمەن جەنە ۇلتتىق سپورت ويىندارىمەن جالعاستى. ۇلى بيلەرگە ارناپ قۇران باعىشتالىپ, اس بەرٸلدٸ.
