تٷركٸستان وبلىسىندا تەۋلٸك ٸشٸندە كارانتين رەجيمٸن بۇزىپ, توي جاساعاندار انىقتالدى, دەپ حابارلايدى "ۇلت اقپارات" تٷركٸستان وبلىسىنىڭ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«قازىعۇرت اۋداندىق پوليتسييا بٶلٸمٸنٸڭ قىزمەتكەرلەرٸ م كارانتين تالاپتارىنىڭ ساقتالۋىن قاتاڭ باقىلاپ وتىر. تەرتٸپ ساقشىلارىنىڭ كٷندەلٸكتٸ جٷرگٸزگەن ٸس-شارالارىنىڭ نەتيجەسٸندە قازىعۇرت اۋدانىندا كارانتين تالاپتارىن بۇزعان بٸرنەشە تويحانا يەلەرٸ انىقتالدى. مىسالى, قازىعۇرت اۋدانىنداعى ەلدٸ مەكەننٸڭ بٸرٸندە ورنالاسقان تويحانادا 150-دەن استام تۇرعىن جينالىپ, «ٷيلەنۋ توي» ٶتكٸزسە, قاتار تاعى بٸر تويحانادا 50-دەن استام ادام جينالىپ, «بەتاشار» تويىن ٶتكٸزگەن»,-دەلٸنگەن حابارلامادا.
اتالعان توي يەلەرٸنە قاتىستى قر ەقبتك-نٸڭ 425-بابى «حالىقتىڭ سانيتارييالىق-ەپيدەميولوگييالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ» بويىنشا ٸس-قۇجاتتار جيناقتالىپ, سانيتارلىق ەپيدەميولوگييالىق باقىلاۋ باسقارماسىنا جولداندى.
ٶز كەزەگٸندە تٷركٸستان وبلىسىنىڭ پوليتسەيلەرٸ بارلىق ازاماتتارعا كارانتين كەزٸندە ساقتىق شارالارىن ۇستانىپ, ادامدار كٶپ شوعىرلانعان جەرلەرگە بارماۋدى, باسقوسۋلار مەن توي-جيىندار جاساماۋدى ەسكەرتەدٸ.
«كارانتين ەسكەرٸلمەي, قۇقىق بۇزۋشىلىققا جول بەرٸلگەن جاعدايدا, زاڭ اياسىندا جاۋاپكەرشٸلٸك قاراستىرىلعان», - دەلٸنگەن حابارلامادا.
