Túrkistan oblysynda táýlik ishinde karantin rejimin buzyp, toi jasaǵandar anyqtaldy, dep habarlaidy "Ult aqparat" Túrkistan oblysynyń politsiia departamentiniń baspasóz qyzmetine silteme jasap.
«Qazyǵurt aýdandyq politsiia bóliminiń qyzmetkerleri m karantin talaptarynyń saqtalýyn qatań baqylap otyr. Tártip saqshylarynyń kúndelikti júrgizgen is-sharalarynyń nátijesinde Qazyǵurt aýdanynda karantin talaptaryn buzǵan birneshe toihana ieleri anyqtaldy. Mysaly, Qazyǵurt aýdanyndaǵy eldi mekenniń birinde ornalasqan toihanada 150-den astam turǵyn jinalyp, «Úilený toi» ótkizse, qatar taǵy bir toihanada 50-den astam adam jinalyp, «Betashar» toiyn ótkizgen»,-delingen habarlamada.
Atalǵan toi ielerine qatysty QR ÁQBtK-niń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha is-qujattar jinaqtalyp, sanitarlyq epidemiologiialyq baqylaý basqarmasyna joldandy.
Óz kezeginde Túrkistan oblysynyń politseileri barlyq azamattarǵa karantin kezinde saqtyq sharalaryn ustanyp, adamdar kóp shoǵyrlanǵan jerlerge barmaýdy, basqosýlar men toi-jiyndar jasamaýdy eskertedi.
«Karantin eskerilmei, quqyq buzýshylyqqa jol berilgen jaǵdaida, zań aiasynda jaýapkershilik qarastyrylǵan», - delingen habarlamada.
