جەلٸدە قازاقستاننىڭ قىرعىزستانداعى ەلشٸلٸگٸ تەۋەلسٸزدٸك كٷنٸن تويلاۋ كەزٸندە تٷسٸرٸلگەن ۆيدەو قىزۋ تالقىلانىپ جاتىر, - دەپ حابارلايدى Tengrinews.kz تٸلشٸسٸ.
16 جەلتوقسانعا وراي ەلشٸلٸكتە ٶتكەن رەسمي قابىلداۋدا قوناقتارعا ەت تاعامدارى, قازى-قارتا مەن باۋىرساقتان جاسالعان تاۋ مەن اعاش, سونداي-اق قازاقستان تۋى بەينەلەنگەن تورت ۇسىنىلعان.
"قىرعىزستاندا قازاقستان ەلشٸلٸگٸ ۇيىمداستىرعان قازاقستاننىڭ تەۋەلسٸزدٸك كٷنٸ تويلانىپ جاتىر. بۇل قازى-قارتادان جاسالعان الاتاۋ تاۋلارى. مٸنە, باۋىرساقتان جاسالعان اعاش. مٸنە, نۇرسۇلتان شىڭىنا 30 جىل. قانداي ٶنەر. جارايسىڭدار", - دەيدٸ ۆيدەو سىرتىنداعى داۋىس.
الايدا بۇل ۆيدەو قازنەتتٸ اشۋلاندىردى.
قازاقستان سٸم باسپاسٶز قىزمەتٸ ۆيدەوعا قاتىستى پٸكٸر بٸلدٸردٸ.
"بۇل باسقا قابىلداۋلار سيياقتى قاراپايىم باس قوسۋ. تەك بۇل كٷنٸ اسپاز ەر تاعامعا ٶز قييالىن قوسىپ, شىعارماشىلىقپەن دايىنداعان", - دەدٸ قازاقستان سىرتقى ٸستەر مينيسترلٸگٸنٸڭ باسپاسٶز قىزمەتٸ ٶكٸلدەرٸ.
كەيٸن ەرەكشە تاعامداردىڭ اۆتورى قىرعىز اسپازشىسى تاشتانبەك ۋۋلۋ ىرىسكەلدي ەكەنٸ بەلگٸلٸ بولدى.
