Jelide Qazaqstannyń Qyrǵyzstandaǵy elshiligi Táýelsizdik kúnin toilaý kezinde túsirilgen video qyzý talqylanyp jatyr, - dep habarlaidy Tengrinews.kz tilshisi.
16 jeltoqsanǵa orai elshilikte ótken resmi qabyldaýda qonaqtarǵa et taǵamdary, qazy-qarta men baýyrsaqtan jasalǵan taý men aǵash, sondai-aq Qazaqstan týy beinelengen tort usynylǵan.
"Qyrǵyzstanda Qazaqstan elshiligi uiymdastyrǵan Qazaqstannyń Táýelsizdik kúni toilanyp jatyr. Bul qazy-qartadan jasalǵan Alataý taýlary. Mine, baýyrsaqtan jasalǵan aǵash. Mine, Nursultan shyńyna 30 jyl. Qandai óner. Jaraisyńdar", - deidi video syrtyndaǵy daýys.
Alaida bul video Qaznetti ashýlandyrdy.
Qazaqstan SIM baspasóz qyzmeti videoǵa qatysty pikir bildirdi.
"Bul basqa qabyldaýlar siiaqty qarapaiym bas qosý. Tek bul kúni aspaz ár taǵamǵa óz qiialyn qosyp, shyǵarmashylyqpen daiyndaǵan", - dedi Qazaqstan Syrtqy ister ministrliginiń baspasóz qyzmeti ókilderi.
Keiin erekshe taǵamdardyń avtory qyrǵyz aspazshysy Tashtanbek ýýlý Yryskeldi ekeni belgili boldy.
