«قازترانسگاز» كومپانيياسى الماتى وبلىسىنداعى گاز قۇبىرىنان مەتاننىڭ اعىپ كەتۋٸ تۋرالى بولجام جاسالعان شەتەلدٸك باق-تاردا شىققان اقپاراتتى جوققا شىعاردى, دەپ حابارلايدى "ۇلت اقپارات" گاز جەنە گازبەن جابدىقتاۋ سالاسىنداعى ۇلتتىق وپەراتوردىڭ باسپاسٶز قىزمەتٸنە سٸلتەمە جاساپ.
كومپانييانىڭ مەلٸمدەۋٸنشە, بٸرقاتار شەتەلدٸك باق ەۋروپالىق عارىش اگەنتتٸگٸنٸڭ Sentinel-5P سپۋتنيگٸنٸڭ سۋرەتٸ مەن دەرەكتەرٸن تالداۋعا سٸلتەمە جاساي وتىرىپ, كٷمەندٸ اقپارات تاراتقان. وندا 2021 جىلدىڭ 24 شٸلدەسٸندە الماتى وبلىسىنداعى گاز قۇبىرىنان مەتاننىڭ اعىپ كەتۋٸ تۋرالى بولجام جاسالعان. حابارلامادا Kayrros SAS گەواناليتيكالىق كومپانيياسىنىڭ مەلٸمەتتەرٸ كەلتٸرٸلگەن, ول «شىعارىندىلار دەڭگەيٸ ساعاتىنا 200 توننا مەتاندى قۇرادى» دەپ مەلٸمدەلگەن.
«وسىعان بايلانىستى «قازترانسگاز» اق جارييالانىمداردا كەلتٸرٸلگەن دەرەكتەر شىندىققا سەيكەس كەلمەيدٸ دەپ مەلٸمدەيدٸ. «قازترانسگاز» اق ٶز وبەكتٸلەرٸندە قاۋٸپسٸزدٸكتٸ, سونىڭ ٸشٸندە ەكولوگييالىق قاۋٸپسٸزدٸكتٸ قامتاماسىز ەتۋگە ٷلكەن كٶڭٸل بٶلەدٸ. اقپارات قۇرالدارىندا جارييالاعان 10 ميلليون تەكشە فۋت نەمەسە 300 مىڭ تەكشە مەتر كٶلەمٸندەگٸ گازدىڭ اعىپ كەتۋٸ تۋرالى مەلٸمەتتەر شىندىققا جاناسپايدى جەنە كومپانييانىڭ تەۋلٸك بويى جۇمىس ٸستەيتٸن قاۋٸپسٸزدٸكتٸ باقىلاۋ جٷيەسٸنٸڭ نازارىنان تىس قالۋى مٷمكٸن ەمەس.
«ازييالىق گاز قۇبىرى» جشس (بۇدان ەرٸ – «اگق» جشس), سونداي-اق «بۇحارا گازدى اۋدانى – تاشكەنت-بٸشكەك-الماتى» ماگيسترالدىق گاز قۇبىرىندا جەنە الماتى وبلىسىنىڭ گاز تاراتۋ جٷيەلەرٸندە اتالعان كٷنٸ (2021 جىلعى 24 شٸلدەدە) تابيعي گازدىڭ اۋاعا تارالۋى بولعان جوق», دەلٸنگەن حابارلامادا.
ۇلتتىق وپەراتوردىڭ مەلٸمدەۋٸنشە, اتالعان كوورديناتتاردا «اگق» جشس-نىڭ «قازاقستان-قىتاي» مگق كس-6 ورنالاسقان. وسى «اگق» جشس-نىڭ كومپرەسسورلىق ستانساسىندا 2021 جىلدىڭ 24 شٸلدەسٸندە اتموسفەراعا 16,7 مىڭ تەكشە مەتر نەمەسە 0,5 ملن تەكشە فۋت كٶلەمٸندە گاز ايدايتىن جابدىقتارعا قىزمەت كٶرسەتۋ بويىنشا جوسپارلى جۇمىستار جٷرگٸزٸلگەن. بارلىق راستايتىن قۇجاتتار مەن اكتٸلەر بار.
بۇل شىعارىندىلار الماتى وبلىسى بويىنشا 2021 جىلعا ارنالعان «اگق» جشس-نىڭ شىعارىندىلار كۆوتاسىنا كٸرەدٸ.
«گازدى قاۋٸپسٸز تاسىمالداۋ ٷشٸن گاز قۇبىرلارىنىڭ تۇتاستىعىنا تۇراقتى مونيتورينگ جٷزەگە اسىرىلادى. قۇرال-جابدىقتار مەن قۇرىلىستاردىڭ ىقتيمال زاقىمدانۋىنىڭ الدىن الۋ جەنە انىقتاۋ بويىنشا جۇمىستار جٷرگٸزٸلۋدە. وسى ماقساتتار ٷشٸن ماگيسترالدىق گاز قۇبىرلارى بويىنشا تراسسالاردى اينالىپ ۇشۋ جەنە اينالىپ ٶتۋ, ال تاراتۋ جەلٸلەرٸ بويىنشا «دلس-پەرگام» گاز اناليزاتورىن پايدالانا وتىرىپ تەكسەرۋ جٷرگٸزٸلەدٸ», دەلٸنگەن حابارلامادا.
