ٶتكەن جىلى «قازپوشتا» اق-نىڭ كٸرٸستەرٸ 11 پايىزعا ارتتى. بۇل تۋرالى استانادا باسپاسٶز مەسليحاتىندا باسقارما تٶراعاسى سەكەن سەرسەنوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«ٶزدەرٸڭٸز بٸلەتٸندەي 2018 جىلى قازپوشتا 25-جىلدىعىن اتاپ ٶتتٸ. جىل قورىتىندىلارىمىز دا جامان ەمەس. مىسالى, 2017 جىلمەن سالىستىرعاندا, كٸرٸستەرٸمٸز 11 پايىزعا ٶستٸ. اقشالاي تٷردە بۇل كٶرسەتكٸش 54,5 ملرد تەڭگەنٸ قۇرادى, ال شىعىستار 54,2 ملرد تەڭگەگە جەتتٸ. وسىلايشا, تازا كٸرٸس 272 ملن تەڭگە قۇرادى», - دەدٸ «قازپوشتا» باسشىسى.
ونىڭ سٶزٸنە قاراعاندا, بىلتىر كليەنتتەرگە 18,6 ملن سەلەمدەمە جەتكٸزٸلگەن, ولاردىڭ 4,7 ملن ٸشكٸ نارىققا تيەسٸلٸ.
«2018 جىلى بٸز كليەنتتەرگە جاقىن بولۋ ٷشٸن سەرٸكتەستٸك جەلٸسٸن ٸسكە قوستىق. بٷگٸندە «قازپوشتامەن» 160 فرانچايزي كەسٸپكەرلەر ىنتىماقتاستىق ورناتىپ, 200 ساۋدا نٷكتەلەرٸن اشتى. ولار ارقىلى 2 ملرد 600 ملن تەڭگە سوماسىندا 493 مىڭ ترانزاكتسييا جٷرگٸزٸلدٸ», - دەپ ناقتىلادى س. سەرسەنوۆ.
بۇدان بۇرىن حابارلانعانداي, «قازپوشتا» اق باسقارما تٶراعاسى قازاقستان اۋماعىنداعى ەلەكتروندىق كوممەرتسييانىڭ جاعدايىنا قاتىستى تٷسٸنٸك بەردٸ.
بەلگٸلٸ بولعانداي, ەلٸمٸزدە ينتەرنەت ارقىلى ساتىپ الۋشىلار 2,3 ميلليوننان اسقان.
