فوتو: tengrinews.kz
"قازمۇنايگاز" ۇلتتىق كومپانيياسى چارتەرلٸك رەيس ۇيىمداستىرۋ قىزمەتتەرٸن نە ٷشٸن ساتىپ الاتىنىن تٷسٸندٸردٸ, - دەپ حابارلايدى «ۇلت اقپارات» Tengrinews.kzكە سٸلتەمە جاساپ.
ۇلتتىق كومپانييا مەلٸمەتٸنشە, چارتەرلٸك رەيستەردٸ ۇيىمداستىرۋ قىزمەتٸ بەس جىلدىق كەزەڭگە ەسەپتەلگەن: 2024 جىلدان 2028 جىلعا دەيٸن.
"قازمۇنايگاز" كوممەرتسييالىق جەنە ٶندٸرٸستٸك مەسەلەلەردٸ جەدەل شەشۋ ٷشٸن, سونىڭ ٸشٸندە تٶتەنشە جەنە اپاتتىق جاعدايلار كەزٸندە تۇراقتى جولاۋشىلار رەيسٸ بولماعان جاعدايدا تٶتەنشە جاعدايلاردا چارتەرلٸك رەيستەردٸ پايدالانادى. ٸسساپارلار بولۋى مٷمكٸن جەنە الدىن الا جوسپارلانعان كٶپ جاعدايلاردا كومپانييا Air Astana, SCAT, Qazaq Air جەنە باسقا دا بٸرقاتار ەۋە تاسىمالداۋشىلارىنىڭ تۇراقتى رەيس قىزمەتتەرٸن, سونداي-اق جولاۋشىلار تەمٸرجول كٶلٸگٸ قىزمەتتەرٸن پايدالانادى", - دەپ حابارلادى كومپانييا.
وسى ماقساتتارعا "قازمۇنايگاز" بەس جىلدىق كەزەڭگە 1,6 ميلليارد تەڭگەنٸ جوسپارلاعان. بۇل رەتتە ۇلتتىق كومپانييا چارتەرلٸك قىزمەتتەرگە اقى تٶلەۋ رەيس ورىندالعان كەزدە جٷزەگە اسىرىلاتىنىن اتاپ ٶتتٸ.
"باسقاشا ايتقاندا, چارتەرلٸك رەيس قاجەت بولماسا, "قازمۇنايگازدىڭ" قارجىلىق رەسۋرستارى يگەرٸلمەيدٸ", - دەپ تٷسٸندٸردٸ كومپانييا.
