«قازمۇنايگاز» ۇك» اق ەلٸمٸزدٸڭ وڭتٷستٸگٸندەگٸ بەنزين جاعدايىنا قاتىستى تٷسٸنٸك بەردٸ, دەپ حابارلايدى قازاقپارات.
9 جەلتوقسان كٷنٸ شىمكەنت قالاسىنىڭ جەنە تٷركٸستان وبلىسىنىڭ جانار-جاعار ماي قۇيۋ بەكەتتەرٸندە بەنزين تاپشىلىعى تۋىنداعانى تۋرالى حابارلانعان بولاتىن.
تٷركٸستان وبلىسى ەكٸمٸنٸڭ ورىنباسارى راشيد ايۋپوۆ ٶڭٸردەگٸ جانارماي تاپشىلىعى پاۆلودار زاۋىتىنىڭ ۋاقىتشا جٶندەۋ جۇمىستارىنا توقتاۋىنا تٸكەلەي بايلانىستى ەكەنٸن جەتكٸزدٸ.
ال «قازمۇنايگاز» كومپانيياسى قازاقستانداعى 3 مۇناي ٶڭدەۋ زاۋىتى قازٸر جۇمىس ٸستەپ تۇرعانىن ايتۋدا.
««قازمۇنايگاز» ۇك اق قازٸرگٸ ۋاقىتتا بارلىق ٷش قازاقستاندىق مۇناي ٶڭدەۋ زاۋىتى قالىپتى جاعدايدا جۇمىس ٸستەپ تۇرعانىن مەلٸمدەيدٸ.
مۇناي ٶڭدەۋ جەنە مۇناي ٶنٸمدەرٸن شىعارۋ قر ەنەرگەتيكا مينيسترلٸگٸ بەكٸتكەن جوسپاردان ارتىق ورىندالۋدا. شىمكەنت مۇناي ٶڭدەۋ زاۋىتى تەۋلٸگٸنە شامامەن 6 مىڭ توننا بەنزين ٶندٸرٸپ شىعارادى. زاۋىتتان بەنزين مۇناي بەرۋشٸلەردٸڭ ٶتٸنٸمدەرٸنە سەيكەس ۋاقتىلى جٸبەرٸلۋدە جەنە تەۋلٸگٸنە 6 مىڭعا جۋىق توننانى قۇرايدى. بۇل كٶلەمنٸڭ شامامەن 2 مىڭ تونناسى تٷركٸستان وبلىسىنا جٶنەلتٸلەدٸ.
وسىلايشا, شىمكەنت ٶڭدەۋ زاۋىتى تاراپىنان ٶڭٸردە بەنزين تاپشىلىعىن تۋدىراتىنداي ەش نەگٸز جوق», - دەلٸنگەن كومپانييا مەلٸمەتٸندە.
قمگ ديسپەتچەرلٸك-ساراپتاۋ ورتالىعىنىڭ دەرەكتەرٸنە سەيكەس وسى جىلدىڭ 10 جەلتوقسانىنداعى جاعداي بويىنشا تٷركٸستان وبلىسىنىڭ مۇناي بازالارىندا اي-92 ماركالى بەنزيننٸڭ قورى 15,4 مىڭ توننانى قۇرايدى. بۇل وبلىستىڭ 12 كٷندٸك سۇرانىسىنا تەڭ.
«بۇدان بٶلەك, رەسمي تۇلعالاردىڭ بەنزين تاپشىلىعى پاۆلودار مۇناي-حيمييا زاۋىتىنداعى جٶندەۋمەن بايلانىستى تۋرالى اقپارات شىندىققا جاناسپايدى. سەبەبٸ پمحز-دا جٶندەۋ جۇمىستارى وسى جىلدىڭ قازان ايىندا اياقتالعان», - دەپ تولىقتىردى «قازمۇنايگاز» ۇك اق-دان.
