«قازمۇنايگاز» بەن AirAstana كومپانييالارىن جەكەشەلەندٸرۋگە قاتىستى شەشٸم بيىل جازدا قابىلدانباق. بۇل تۋرالى «سامۇرىق- قازىنا» ەل-اۋقات ۇلتتىق قورىنىڭ باسقارما تٶراعاسى الماسادام سەتقاليەۆ مەلٸم ەتتٸ, دەپ حابارلايدى قازاقپارات.
«بيىل 2 اقپاندا ٷكٸمەت ستراتەگييالىق اكتيۆتەر كاپيتالىنداعى باقىلاۋ ٷلەستەرٸن مٸندەتتٸ تٷردە ساقتاۋ جٶنٸندەگٸ تالاپپەن جەكەشەلەندٸرۋدٸڭ جاڭارتىلعان تٸزٸمٸن قالىپتاستىرۋ جٶنٸندەگٸ نەگٸزگٸ ٶلشەمدەردٸ بەكٸتتٸ. قازٸر بٸز ٷكٸمەتپەن وسى جاڭا كريتەرييلەر نەگٸزٸندە جەكەشەلەندٸرۋدٸڭ كەشەندٸ جوسپارىنا ٶزگەرٸستەر ەنگٸزۋدٸ پىسىقتاپ جاتىرمىز. اتالعان كريتەرييلەر بەسەكەلەستٸك ورتادا دامۋ پەرسپەكتيۆاسى بار كومپانييالاردىڭ قىزمەتٸنە قاتىستى. بٸز بۇل كومپانييالاردى ساتۋ, قايتا قۇرۋ نەمەسە تاراتۋ ارقىلى ولاردى بەسەكەلەستٸك ورتاعا بەرۋگە دايىنبىز», – دەدٸ الماسادام سەتقاليەۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
قور باسشىسىنىڭ ايتۋىنشا, كومپانييالاردى IPO-عا شىعارۋ وڭاي شارۋا ەمەس.
«قۇبىلمالىلىق ترەندٸ بٷگٸندە بارلىق قارجى نارىعىندا جٷرٸپ جاتىر. وسى ورايدا حالىقارالىق ينۆەستورلاردىڭ بٸزدٸڭ ٶڭٸرگە دەگەن قىزىعۋشىلىعىنىڭ بەلگٸلٸ بٸر دەڭگەيدە تٶمەندەۋٸ بايقالادى. ٶز كەزەگٸمٸزدە وتاندىق كومپانييالاردى كٶپشٸلٸك الدىنا ساتۋعا شىعارۋ ٷلكەن ەلەۋەتكە يە دەپ سانايمىز. بۇل ورايدا «قازمۇنايگاز» جەنە AirAstana كومپانييالارىنىڭ دايىندىق دەڭگەيٸ ٶتە جوعارى. IPO-عا شىعارۋعا قاتىستى سوڭعى شەشٸم جازدا قابىلدانادى», - دەيدٸ ول.
سونداي-اق, الماسادام سەتقاليەۆ كومپانييالاردى جەكەشەلەندٸرۋدە گەوساياسي فاكتورلاردىڭ دا ەسكەرٸلەتٸنٸن ايتتى.
ەسكە سالا كەتسەك, بيىل قاڭتاردا ٷكٸمەت باسشىسى ەليحان سمايىلوۆ «قازمۇنايگاز», AirAstana مەن «قازاقگاز» IPO-عا شىعارىلاتىنى تۋرالى حابارلاعان ەدٸ.
