ەلوردادا «تسيفرلاندىرۋ ارقىلى ترانسفورماتسييا: ۋنيۆەرسيەتتەر جەنە ساپانى قامتاماسىز ەتۋ» اتتى ەكٸنشٸ ەۋرازييالىق فورۋم ٶتٸپ جاتىر, دەپ حابارلايدى قازاقپارات.
شارا اياسىندا باق ٶكٸلدەرٸنە سۇحبات بەرگەن BTS Digital بٸلٸم بەرۋ جوبالارىنىڭ جەتەكشٸسٸ ساياسات نۇربەكتٸڭ ايتۋىنشا, قازٸرگٸ ۋاقىتتا بٸلٸم سالاسىنداعى دٷنيەجٷزٸندەگٸ ەڭ ٷلكەن مەسەلە بۇل سوڭعى 200-300 جىلدا قالىپتاسقان بٸلٸم بەرۋ مودەلٸنٸڭ بٷگٸنگٸ پروبلەمالاردى شەشە الماۋى بولىپ وتىر.
«بٸر عانا مىسال كەلتٸرەيٸن. بٸز سەرتيفيكاتتاۋ, اتتەستاتتاۋ مودەلٸنە سەيكەس ادامدى رەسمي باعالايمىز. بٸراق ونىڭ 5 سىنىپتىڭ 3 توقسانىندا بيولوگييادان العان «5 دەگەن باعاسى ٶمٸرٸنە ەشقانداي قاتىسى جوق. ۇلتتىق بٸرىڭعاي تەستٸلەۋدٸڭ باللى دا ونىڭ ٶمٸرٸندەگٸ شەشۋشٸ فاكتور بولىپ قالىپتاسپايدى. ونىڭ ٶمٸردە تابىستى بولۋىنا ەشقانداي قاتىسى دا, بايلانىسى دا جوق. ياعني, بٸز قانشا اقشا جۇمساپ, ينفراقۇرىلىمدى جاقسارتساق تا ادامنىڭ ٶمٸردە تابىستى بولۋىنا, اياقتان تۇرۋىنا, تۇراقتى دامۋىنا بٸزدٸڭ 20 جىلىمىز تٸكەلەي قاتىستى ەمەس. سوندىقتان بٸلٸم بەرۋدە جاڭا مودەل بولۋى نەگٸزگٸ مەسەلە بولىپ تۇر», - دەدٸ ول.
ساياسات نۇربەكتٸڭ ايتۋىنشا, قازٸر ەلەمدە بۇل باعىتتا ٷلكەن ٸزدەنٸس جٷرٸپ جاتىر. ايتالىق, 2015 جىلدان باستاپ ەڭ دامىعان ەلدەر «بٸلٸم-2030» جوباسىن باستادى. اتالعان جوبانىڭ اياسىندا 5 ٸرٸ مەملەكەت ٶزدەرٸنٸڭ بٸلٸم مودەلٸنە ەكسپەريمەنت جاساۋ ٷستٸندە. ياعني, الداعى 5, 10 جىلدا بٷگٸنگٸ قالىپتاسقان بٸلٸم مودەلٸن مٷلدەم تٷبەگەيلٸ باسقا مودەلگە كٶشٸرۋ مەسەلەسٸ قوزعالۋدا.
«سوندىقتان بٸزدە بۇل مەسەلەنٸ تالقىلاۋىمىز كەرەك. جالپى بارلىعى كادرلىق ساياساتقا بايلانىستى. قانشا مينيستر اۋىسىپ جاتىر. ەر مينيستردٸڭ ٶز كٶزقاراسى بار. ال بٸلٸم سالاسى, ونىڭ تابيعاتى باياۋ قوزعالادى. نەتيجەلەرٸن تەز ارادا كٶرە المايتىن سالا. بٸر نەرسەنٸ ٶزگەرتسەڭٸز, ونىڭ نەتيجەسٸن 15-20 جىلدان كەيٸن عانا كٶرەسٸز. ال بٸز ونىڭ نەتيجەسٸن ٶلشەمەي, كٶرمەي 5 جىلدىڭ ٸشٸندە بٸرنەشە رەفورما باستاپ كەتەمٸز», - دەدٸ س.نۇربەك.
