بٷگٸن كٷش اتاسى قاجىمۇقان مۇڭايتپاسۇلىنىڭ تۋعانىنا 150 جىل تولدى, دەپ حابارلايدى "ۇلت اقپارات".
قاجىمۇقان مۇڭايتپاسۇلى 1871 جىلى 7 سەۋٸردە اقمولا ۋەزٸ, سارىتەرەك بولىسىنا قاراستى جەدٸك دەگەن جەردە دٷنيەگە كەلگەن. ەلەمدٸك ارەنادا العاش رەت 1906 جىلى المانييادا ٶتكەن دٷنيەجٷزٸلٸك سايىستا جەڭٸمپاز اتانۋ ارقىلى ەيگٸلٸ بولعان پالۋان دٷنيەجٷزٸنٸڭ چەمپيوندارى يۆان پوددۋبنىي, يۆان شەمياكين, الەكس ابەرگ, يۆان زايكين, گەورگ لۋريح, پول پونس سىندى پالۋاندارمەن كٷرەسكەن. بار عۇمىرىن كٷرەس ٶنەرٸنە ارناپ, كٶزٸ تٸرٸسٸندە اڭىزعا اينالعان باتىر بابامىز جايلى كەي دەرەكتەرگە قاراعاندا, كٷرەستٸڭ بٸرنەشە تٷرٸنەن 54 مەملەكەتتە كٷرەسٸپ, 48 مەدال ولجالاعان. ول 1948 جىلى تٷركٸستان وبلىسىنىڭ ورداباسى اۋدانىندا ٶمٸردەن وزدى. پالۋان بابامىزدىڭ تٶرت ەيەلٸنەن تاراعان ۇرپاق بٷگٸندە تٷركٸستان مەن اقمولا ٶڭٸرٸندە تۇرىپ جاتىر.
عالىم, پروفەسسور ەۋەلبەك قوڭىراتباەۆتىڭ جازبالارىندا قاجىمۇقاننىڭ سالماعى – 174 كەلٸ, بويى – 195 سم, كەۋدەسٸنٸڭ اۋماعى – 146 سم, بالتىرىنىڭ اۋماعى – 49 سم, موينىنىڭ جۋاندىعى – 56 سم, باس اۋماعى – 65 سم, ورتاڭعى ساۋساعىنىڭ ۇزىندىعى – 14 سم, ورتاڭعى ساۋساعىنىڭ جۋاندىعى – 10 سم, ٷستٸڭگٸ جەنە استىڭعى ەرٸندەرٸ – 12 سم, اياق كيٸمٸ 54 ٶلشەمدٸ دەپ كٶرسەتٸلگەن.
جالپى, قاجىمۇقان مۇڭايتپاسۇلىن ۇلىقتاۋعا ارنالعان شارالار ەلٸمٸزدە تۇراقتى تٷردە ٶتكٸزٸلٸپ تۇرادى. مىسالى, مەدەنيەت جەنە سپورت مينيسترلٸگٸ جەرگٸلٸكتٸ اتقارۋشى ورگاندارمەن بٸرلەسٸپ قازاق كٷرەسٸنەن ق. مۇڭايتپاسۇلىن ەسكە الۋعا ارنالعان جاستار اراسىندا دەستٷرلٸ سپورتتىق تۋرنيرلەردٸ جىل سايىن ۇيىمداستىرادى. بيىل دا رەسپۋبليكالىق جەنە حالىقارالىق تۋرنيرلەردٸ جوعارى دەڭگەيدە, سونداي-اق ۇلتتىق سپورت ويىندارىن, قاجىمۇقانعا ارنالعان كٶرمەلەر جەنە باسقا ٸس-شارالار ٶتكٸزۋ جوسپارلانعان.
«رۋحاني جاڭعىرۋ» باعدارلاماسى اياسىندا تٷركٸستان وبلىسى ەكٸمدٸگٸنٸڭ قولداۋىمەن تٷسٸرٸلگەن «كٷش اتاسى – قاجىمۇقان» اتتى انيماتسييالىق فيلم 2017 جىلدان باستاپ كٶرسەتٸلٸپ كەلەدٸ. قاجىمۇقان مۇڭايتپاسۇلىنىڭ ٶمٸرٸ جايىندا «قاجىمۇقان» اتتى كٶركەم فيلم تٷسٸرٸلٸپ, ول 2021 جىلدان باستاپ ەلٸمٸزدٸڭ تەلەارنالارىنان كٶرسەتٸلۋٸ كٶزدەلگەن.
تٷركٸستان وبلىسىندا ق.مۇڭايتپاسۇلىنا ارناپ 7 ەسكەرتكٸش قويىلعان. 2019 جىلى اقمولا وبلىسىنىڭ ستەپنوگورسك قالاسىندا دا پالۋانعا ەسكەرتكٸش ورناتىلدى.
بيىل كٷش اتاسى قاجىمۇقان مۇڭايتپاسۇلىنىڭ 150 جىلدىعىنا وراي تٷركٸستان وبلىسىنىڭ ورداباسى اۋدانىندا ٷلكەن كەشەن سالىنادى.
باتىس قىتاي – باتىس ەۋروپا حالىقارالىق كٶلٸك دەلٸزٸ بويىنان بوي كٶتەرەتٸن كەشەنگە تەمٸرلان اۋىلىنداعى مۋزەي كٶشٸرٸلٸپ, 5 گەكتاردى قۇرايتىن اۋماق تۋريستٸك ورىنعا اينالادى.
قازاق دالاسى باتىرىنىڭ اتىنا سالىناتىن زاماناۋي ٷلگٸدەگٸ مەموريالدىق كەشەن كٸتاپحانا, كٶرمە زالى, قوناق ٷي, اسحانا, كونفەرەنتس زالى, سپورت زالى, سپورتشىلاردىڭ كيٸم اۋىستىرۋعا, جۋىنۋعا ارنالعان جەنە باسقا دا قاجەتتٸ بٶلمەلەرمەن قامتىلماق. عيمارات اۋماعى جاسىل-جەلەككە ورانىپ, دەمالىس ورنىنا اينالادى. سپورتتىڭ بٸرنەشە تٷرٸمەن شۇعىلدانۋعا لايىقتى كەشەن تٷرلٸ دەڭگەيدەگٸ جارىستاردى ٶتكٸزۋگە دە ىڭعايلى بولماق.
