قاجىلىقتا جٷرگەن قازاقستاندىقتار اراسىندا زارداپ شەككەن ادام جوق. بۇل تۋرالى قازاقپارات قر سىرتقى ٸستەر مينيسترلٸگٸنە سٸلتەمە جاساپ حابارلايدى.
شەتەلدٸك باسىلىمداردىڭ جازۋىنشا, بيىلعى قاجىلىققا ەلەمنٸڭ 167 ەلٸنەن 1,8 ملن ادام بارعان. سولاردىڭ اراسىندا قازاقستاننان بارعان 3 200 وتانداسىمىز دا بار.
قر سىرتقى ٸستەر مينيسترٸلٸگٸنٸڭ اقپاراتىنا قاراعاندا, ەزٸرگە قازاقستاندىقتار اراسىندا قاجىلىق كەزٸندە زارداپ شەككەن ادام جوق.
«قاجىلىق كەزٸندە زارداپ شەككەن قازاقستان رەسپۋبليكاسىنىڭ ازاماتتارى تۋرالى ەشقانداي حابار تٷسكەن جوق», - دەيدٸ مينيسترلٸكتٸڭ رەسمي ٶكٸلٸ ايبەك سماديياروۆ.
بۇعان دەيٸن ازەرتادج اگەنتتٸگٸ ساۋد ارابيياسىندا قاجىلىق ماۋسىمى كەزٸندە 190 مىڭ ادامعا مەديتسينالىق قىزمەت كٶرسەتٸلگەنٸن حابارلاعان بولاتىن.
مەدينادا مۇسىلمان كٷنتٸزبەسٸ بويىنشا زۇلقادا ايىنىڭ العاشقى كٷنٸنەن زۇلحيججا ايىنىڭ ەكٸنشٸ كٷنٸنە دەيٸنگٸ ارالىقتا 190 719 ادام دەرٸگەر كٶمەگٸنە جٷگٸنگەن. سونىڭ ٸشٸندە 297 ادامنىڭ جٷرەگٸنە وتا جاسالعان. بۇدان بٶلەك, 921 دياليز پروتسەدۋراسى, 44 لاپوروسكوپييا وتاسى, 293 حيرۋرگييالىق وتا قولدانىلعان.
«New York Times» بيىلعى قاجىلىق ساۋد ارابيياسى مەن يران اراسىنداعى ساياسي ەرٸ دٸنارالىق سالقىندىق بەسەڭسٸمەي تۇرعان شاققا, بٷكٸل اراب ەلەمٸ يەمەن, سيرييا جەنە ليۆييا ەلدەرٸندەگٸ جاعدايعا الاڭداپ وتىرعان كەزەڭگە دٶپ كەلگەنٸن جازدى. ٷندٸستاننىڭ كاشميرٸندە, ميانما مەن قىتايدا دا يسلام دٸنٸن ۇستانۋشىلارعا قىسىم ارتىپ تۇرعانىن ەسكە سالعان باسىلىم قاجىلىق ٷشٸن اقش ازاماتتارىنا 20 مىڭ كۆتوا بٶلٸنگەن بايانداعان.
«ساۋد كورولٸ سالمان جاڭا زەلاندييانىڭ كرايستچەرچ قالاسىندا ەكٸ بٸردەي مەشٸتكە جاسالعان شابۋىلدا قازا بولعان 51 مۇسىلماننىڭ 200 تۋىسقانىن قاجىلىق قوناعى رەتٸندە شاقىردى» , - دەلٸنگەن ماقالادا.
بيىل قاجىلىققا كۆوتا العان ەلدەردٸڭ اراسىندا كونگو جوق. شەتەلدٸك باق-تىڭ جازۋىنشا, ساۋد ارابيياسى اتالمىش ەلدە ەبولا دەرتٸنٸڭ ٶرشٸپ تۇرۋىنا بايلانىستى, كۆوتا بەرۋدەن باس تارتقان.
مەككەگگە اتتانعان وتانداستارىمىز ٶزگە دە مۇسىلماندارمەن بٸرگە 10-13 تامىز ارالىعىندا قۇلشىلىق رەسٸمدەرٸنە قاتىسادى. ولاردىڭ قاۋٸپسٸزدٸگٸنە ونداعان مىڭ قاۋٸپسٸزدٸك قىزمەتٸنٸڭ ماماندارى, 17 مىڭ ازاماتتىق قورعانىس سالاسىنىڭ ٶكٸلٸ تارتىلعان.
ەزٸرگە 2019 جىلعى قاجىلىق تۋرالى تٶمەندەگٸ ساندار عانا بەلٸگٸلٸ. ساۋدييالىق باق مەلٸمەتٸ بويىنشا, قاجىلىق ٶتەۋشٸلەر سانى 2,5 ملن ادامعا جاقىنداعان.
ەل بيلٸگٸنٸڭ رەسمي دەرەگٸ بويىنشا, قاجىلىق ساپار ٷشٸن ەلەمنٸڭ ەر تٷكپٸرٸنەن 3000 ەۋە رەيسٸ قاتىناعان. قۇرباندىق ٷشٸن قۇلشىلىق ەتۋشٸلەرگە 1 ملن-نان استام مال بٶلٸنگەن.
