قازاتومٶنەركەسٸپ ۇلتتىق اتوم كومپانيياسى جوعارى وقۋ ورىندارىن جاڭادان بٸتٸرگەن تٷلەكتەرگە ارنالعان Izbasar ارنايى باعدارلاماسىنىڭ باستالعانىن جارييالادى. جوبا جاس ماماندارعا اتوم سالاسىندا تابىستى مانساپ باستاۋعا, ناقتى پراكتيكالىق تەجٸريبە جيناۋعا جەنە جۇمىستىڭ العاشقى كٷندەرٸنەن باستاپ بٸلٸكتٸ تەلٸمگەرلەردٸڭ قولداۋىنا يە بولۋعا بٸرەگەي مٷمكٸندٸك بەرەدٸ, دەپ حابارلايدى Ult.kz.
باعدارلاما 15 ايعا ەسەپتەلگەن جەنە قاتىسۋدىڭ ەڭ باسىنان باستاپ رەسمي ەڭبەك شارتىن جاساسۋ ارقىلى جۇمىسقا ورنالاسۋدى كٶزدەيدٸ. جوبانىڭ باستى ەرەكشەلٸگٸ حولدينگتٸڭ ەرتٷرلٸ ەنشٸلەس كەسٸپورىندارىنداعى 3 روتاتسييا بولماق, بۇل قاتىسۋشىلارعا ٶندٸرٸستٸڭ سان قىرلى پروتسەستەرٸن ٸشٸنەن ٷيرەنٸپ, ناقتى مٸندەتتەردە ٶزدەرٸن كٶرسەتۋگە جاعداي جاسايدى. بۇل رەتتە كومپانييا تاعىلىمدامادان ٶتۋدٸڭ بارلىق كەزەڭٸن تولىق كٶلەمدە تٶلەيدٸ.
ٸرٸكتەۋگە قاتىسۋ ٷشٸن ٷمٸتكەرلەرگە تەك ەكٸ نەگٸزگٸ تالاپقا ساي بولۋ جەتكٸلٸكتٸ. ٷمٸتكەرلەردٸڭ باكالاۆر ديپلومىمەن راستالعان جوعارى بٸلٸمٸ بولۋى تيٸس, سونداي-اق ولار قازاقستاننىڭ ەرتٷرلٸ ٶڭٸرلەرٸ بويىنشا ۋاقىتشا روتاتسييالار مەن كٶشٸپ قونۋعا تولىق دايىندىعىن بٸلدٸرۋٸ قاجەت.
اتوم يندۋستريياسىنداعى العاشقى مانساپتىق قادامدى جاساۋ ٷشٸن قاتىسۋ شارتتارىمەن تولىعىراق تانىسۋ جەنە ٶتٸنٸم بەرۋ جوبانىڭ رەسمي پاراقشاسىندا قولجەتٸمدٸ.
