Qazatomónerkásip ulttyq atom kompaniiasy joǵary oqý oryndaryn jańadan bitirgen túlekterge arnalǵan Izbasar arnaiy baǵdarlamasynyń bastalǵanyn jariialady. Joba jas mamandarǵa atom salasynda tabysty mansap bastaýǵa, naqty praktikalyq tájiribe jinaýǵa jáne jumystyń alǵashqy kúnderinen bastap bilikti tálimgerlerdiń qoldaýyna ie bolýǵa biregei múmkindik beredi, dep habarlaidy Ult.kz.
Baǵdarlama 15 aiǵa eseptelgen jáne qatysýdyń eń basynan bastap resmi eńbek shartyn jasasý arqyly jumysqa ornalasýdy kózdeidi. Jobanyń basty ereksheligi holdingtiń ártúrli enshiles kásiporyndaryndaǵy 3 rotatsiia bolmaq, bul qatysýshylarǵa óndiristiń san qyrly protsesterin ishinen úirenip, naqty mindetterde ózderin kórsetýge jaǵdai jasaidy. Bul rette kompaniia taǵylymdamadan ótýdiń barlyq kezeńin tolyq kólemde tóleidi.
Irikteýge qatysý úshin úmitkerlerge tek eki negizgi talapqa sai bolý jetkilikti. Úmitkerlerdiń bakalavr diplomymen rastalǵan joǵary bilimi bolýy tiis, sondai-aq olar Qazaqstannyń ártúrli óńirleri boiynsha ýaqytsha rotatsiialar men kóship qonýǵa tolyq daiyndyǵyn bildirýi qajet.
Atom indýstriiasyndaǵy alǵashqy mansaptyq qadamdy jasaý úshin qatysý sharttarymen tolyǵyraq tanysý jáne ótinim berý jobanyń resmi paraqshasynda qoljetimdi.
