بەلگٸسٸز بٸرەۋلەر تاتارستان استاناسى قازان قالاسىنداعى جاۋدات فايزي كٶشەسٸندە ورنالاسقان №175 گيمنازييادا اتىس شىعاردى, - دەپ حابارلايدى "ۇلت اقپارات".
وقيعا سەيسەنبٸ كٷنٸ, جاۋدات فايزي كٶشەسٸندە ورنالاسقان مەكتەپتە ساباق ٶتٸپ جاتقان كەزدە بولعان. مەكتەپتەن وقۋشىلاردى شۇعىل تٷردە تەرەزەدەن شىعارۋعا تۋرا كەلگەن دەپ حابارلايدى باسىلىمدار. مەكتەپ سايتىنداعى اقپاراتقا سەيكەس, بٸلٸم مەكەمەسٸندە مىڭنان استام شەكٸرت وقيدى, 57 مۇعالٸم جۇمىس ٸستەيدٸ.
باق مەلٸمەتٸنشە, بەلگٸسٸز ادامدار مەكتەپكە قارۋمەن كٸرگەن.
كەيٸن مەكتەپ عيماراتىندا جارىلىس بولعانى حابارلاندى.
تٶتەنشە جاعداي ورنىنا 20-دان اسا جەدەل جەردەم بريگاداسى جٸبەرٸلدٸ.
ريا نوۆوستي مەلٸمەتٸنشە, قاۋٸپسٸزدٸك قىزمەتكەرلەرٸ مەكتەپتە وق اتتى دەگەن كٷدٸكتٸنٸ ۇستادى. بۇل - 19 جاستاعى جاسٶسپٸرٸم. ال وعان كٶمەكتەسكەن ەكٸنشٸ ازاماتتى ارنايى وپەراتسييا كەزٸندە اتىپ تاستاعان.
Mash باسىلىمى دا بۇرىن وسى مەكتەپتە بٸلٸم العان, كەيٸنگٸ تٶرت جىل بويى تەحنيكۋمدا وقىپ جٷرگەن 19 جاستاعى جاس جٸگٸت قىلمىسقا كٷدٸكتٸ رەتٸندە ۇستالعانىن راستاپ وتىر. ول ٷيٸنە بومبا قويىلعانى تۋرالى پوليتسيياعا حابارلاعان دەگەن اقپارات تارادى.
سوڭعى دەرەكتەر بويىنشا, اتىس سالدارىنان 9 ادام قازا تاۋىپ, تاعى بٸرنەشە ادام زارداپ شەككەن.
تاتارستان پروكۋراتۋراسى وقيعا ورنىنا رەسپۋبليكا پروكۋرورى يلدۋس نافيكوۆ بارا جاتقانىن حابارلادى. تاتارستان پرەزيدەنتٸ دە سول جەرگە اتتانعان.
