فوتو: مەجٸلٸس
مەجٸلٸس دەپۋتاتى اناس باققوجاەۆ جاساندى ينتەللەكتٸ جاپپاي قولدانۋ ادامداردى دەگراداتسيياعا اپارادى دەپ ەسەپتەيدٸ. بۇل تۋرالى دەپۋتات مەجٸلٸس وتىرىسىندا ايتتى, دەپ حابارلايدى Ult.kz.
"مەن ٶز باسىم جاساندى ينتەللەكتكە ٶتە اباي قارايمىن. شىن مەنٸندە, كەيدە قورقامىن. سەبەبٸ مىنا ينتەللەكتۋالدىق دەگراداتسيياعا اپارۋدىڭ جولى بۇل. ادام ٶزٸ ويلانىپ جازباسا, كومپوزيتور مۋزىكاسىن شىعارماسا, بۇل نە زامان بولىپ بارا جاتىر? سوندا بٸز ەلەم جاساندى ينتەللەكت جاسادى ەكەن دەپ, سوڭىنان ەرە بەرەمٸز بە? بٸزدٸڭ قازاقىلىعىمىز قايدا? بٸزدٸڭ ٶزٸمٸزدٸڭ ينتەللەكتۋالدىق مٷمكٸندٸكتەردٸ اشاتىن جولدار قايدا? ٶتكەن جولى بٸر شەنەۋنٸك ChatGPT دەگەنگە ٶزٸنٸڭ ماتەريالدارىن سالىپ وتىر. سونداعى ونىڭ ماقساتى باستىعىم تەزٸرەك باسىمنان سيپاسا ەكەن, بەرگەن تاپسىرمانى تەزٸرەك ورىندايىن دەگەن. ول ميىنداعى قاتپارلارىن قوزعالتقىسى كەلمەيدٸ. بۇل "الما پٸس, اۋزىما تٷس" دەگەن جالقاۋ شەنەۋنٸكتەرگە جاقسى بولدى. ال ەندٸ ChatGPT-دٸڭ ەر جاعىندا كٸم بەنەفيتسيار? ول ماتەريالدى جيناپ, ەرتەڭ ٶزٸمٸزگە قارسى پايدالانبايتىنىنا كٸم كەپٸل?", – دەدٸ دەپۋتات.
وسىلاي دەگەن دەپۋتات تسيفرلىق دامۋ مينيسترلٸگٸ مەن ۇلتتىق قاۋٸپسٸزدٸك كوميتەتٸنە ساۋال جولدادى.
"مينيسترلٸكتەردە, مەملەكەتتٸك ورگانداردا جاساندى ينتەللەكتٸڭ پايدالانۋىن كٸم قاداعالاپ جاتىر? قايدا ول قاداعالاۋ? بار ما, جوق پا? قانشاما ماتەريالدار كەتٸپ قالعان. ەرتەڭ سونىڭ بەرٸن ٶزٸمٸزگە قارسى پايدالانباسىن كٸم بٸلەدٸ?", – دەدٸ مەجٸلٸسمەن.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ بٸرٸنشٸ ۆيتسە-مينيسترٸ قانىش تٶلەۋشيننٸڭ سٶزٸنشە, وسى جىلدىڭ اياعىنا دەيٸن بٷكٸل مەملەكەتتٸك ورگانداردا 50-گە جۋىق جاساندى ينتەللەكت شەشٸمدەرٸ اسسيستەنت رەتٸندە ەزٸرلەنەتٸن بولادى.
ۇلتتىق قاۋٸپسٸزدٸك كوميتەتٸنٸڭ ٶكٸلٸ دەۋرەن الشەريەۆ دەپۋتات كٶتەرٸپ وتىرعان مەسەلە ٶتە ماڭىزدى ەكەنٸن ايتتى.
"وسى زاڭ جوباسىندا تەۋەكەلگە ەكەلەتٸن سۇراقتاردىڭ باسىم بٶلٸگٸن جابۋدى قاراستىرۋىمىز كەرەك. نەگٸزٸ جاڭا تەحنولوگييا ەنگٸزٸلگەندە تەۋەكەلدەر بارلىق كەزدە بولادى", – دەدٸ ول.
"بٸز ول زاڭدى الداعى ۋاقىتتا قابىلداي جاتارمىز. بٸراق دەل قازٸر شەكتەۋ قويۋ كەرەك", – دەدٸ مەجٸلٸس دەپۋتاتى اناس باققوجاەۆ.
