فوتو: Instagram.com
جۋرناليست ەرٸ قوعام بەلسەندٸسٸ باۋىرجان باباجانۇلى ٶزٸنٸڭ ەلەۋمەتتٸك جەلٸدەگٸ پاراقشاسىندا ٶزگەشە فورماتتا ٶتكەن قىز ۇزاتۋ تويىنا تەنتٸ بولعانىن جازدى, دەپ حابارلايدى Ult.kz.
ونىڭ ايتۋىنشا, قانات پەن سۆەتا قىزدارى راۋشاندى ۇزاتقان سالتانات — بۇرىنعى تويلاردىڭ قالىپتاسقان ٷلگٸسٸن تٷبەگەيلٸ ٶزگەرتكەن ەسەرلٸ وقيعاعا اينالدى.
«قازاقتىڭ تويىنا رەفورما جاساۋ كەرەك» دەپ ايتىلىپ جٷرگەنٸنە بٸراز بولدى. تالاي تالپىنىس نەتيجەسٸز اياقتالدى. بٸراق كەشەگٸ توي بۇل پٸكٸردٸڭ جاڭساق ەكەنٸن دەلەلدەدٸ. توي فورماتىن ٶزگەرتۋگە بولادى ەكەن», – دەدٸ ول.
تويدا كٶپشٸلٸكتٸڭ ميكروفونعا جٷگٸرٸپ, كەزەكپەن تٸلەك ايتۋ دەستٷرٸ بولماعان. ونىڭ ورنىنا جٷرگٸزۋشٸلەر ەر ٷستەلگە بارىپ, ونداعى قوناقتاردى جەكە تانىستىرىپ, ەكراننان كٶرسەتكەن. ەر ٷستەل گٷل اتاۋىمەن اتالىپ, ەرەكشە اتموسفەرا قالىپتاستى.
راۋشاننىڭ ٶمٸرٸ مەن اتا-اناسىنىڭ پەرزەنتٸنە دەگەن ىقىلاسى ەكران ارقىلى بەرٸلگەن بەينەجازبادا شىنايى جەتكٸزٸلگەن. سونداي-اق قازاقتىڭ قىز ۇزاتۋ دەستٷرٸنە قاتىستى تاريحي دەرەكتەر دە بەينە ارقىلى كٶرسەتٸلٸپ, جيىلعان جۇرتتىڭ ىقىلاسىنا بٶلەندٸ.
«توي يەلەرٸ قىسقا سٶيلەدٸ. ەسەسٸنە ەكراننان اقجارما تٸلەكتەر بەرٸلدٸ. بۇل ريياسىز, شىنايى ەسەرگە تولى ەرەكشە شەشٸم بولدى», – دەپ جازدى باۋىرجان باباجانۇلى.
تويدىڭ شارىقتاۋ شەگٸ – ديماش قۇدايبەرگەننٸڭ ارنايى جازعان "قارلىعاشىم ۇيا سالعاندا" ەنٸ بولدى. بۇل سەتتە كٶز جاسىنا ەرٸك بەرمەگەندەر از بولماعان.
راۋشان مەن ەرماحاننىڭ ماحاببات حيكاياسى كٶركەم فيلمگە بەرگٸسٸز بەينەكٶرٸنٸس رەتٸندە ۇسىنىلىپ, قوناقتاردىڭ ەرەكشە ىقىلاسىن تۋدىردى. تويدىڭ قالاي ٶتٸپ كەتكەنٸن قوناقتار تٷن جارىمىندا بٸر-اق اڭعارعان.
«كەتە الماي ەسٸك الدىندا تۇرىپ الىپ, ەسەرلەرٸن بٶلٸسكەن ادام قانشاما?!» – دەپ تٷيٸندەدٸ ول جازباسىن.
جۋرناليستتٸڭ ايتۋىنشا, بۇل توي كٶپشٸلٸككە جاڭا ٷلگٸ, جاڭا شابىت سىيلاعان ايتۋلى وقيعا بولدى.
