قازاقتىڭ اسار دەستٷرٸن زامانعا ساي قايتا جاڭعىرتۋىمىز قاجەت. بۇل تۋرالى بٷگٸن جاستار جىلىنىڭ جابىلۋ جەنە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«ۆولونتەر جىلى بارشامىزعا, ەسٸرسە جاستارعا ٷلكەن جاۋاپكەرشٸلٸك جٷكتەيدٸ. سوندىقتان سٸزدەردٸ وسى يگٸ باستاماعا بەلسەندٸ اتسالىسۋعا شاقىرامىن. جاستارىمىز مۇقتاج جاندارعا كٶمەك قولىن سوزۋعا ەردايىم دايىن بولۋى كەرەك. دانا قالقىمىز «جۇمىلا كٶتەرگەن جٷك جەڭٸل» دەگەن. قايىرىمدىلىق پەن مەيٸرٸمدٸلٸك قانىمىزعا سٸڭگەن قاسيەت. قازاقتا اسار جاساپ, بٸر-بٸرٸنە كٶمەكتەسٸپ, قولداۋ كٶرسەتۋ دەستٷرٸ بار. ونىڭ ۆولونتەرلٸكپەن ٷندەسەتٸندٸگٸ سٶزسٸز. سوندىقتان الداعى جىلى سول دەستٷردٸ زامانعا ساي قايتا جاڭعىرتۋىمىز قاجەت», - دەدٸ مەملەكەت باسشىسى.
قر پرەزيدەنتٸ وسى جالپىۇلتتىق باستامانىڭ نەگٸزگٸ قوزعاۋشى كٷشٸ جاستار ەكەندٸگٸن باسا ايتتى.
«بۇل ٸستە بٸز بەلسەندٸ جاستارىمىزعا زور سەنٸم ارتامىز. ەلگە قىزمەت ەتۋ تەك بٸلٸمدٸ عانا ەمەس, نامىستى دا تالاپ ەتەدٸ. جاس ۇرپاقتىڭ ار-نامىسى جوعارى بولسا, مەملەكەتٸمٸزدٸڭ مەرتەبەسٸ بيٸك بولادى. قازٸرگٸ جاستار باۋىرجان مومىشۇلىنىڭ «وتان ٷشٸن وتقا تٷس, كٷيمەيسٸڭ» دەگەن سٶزٸن بەرٸك ۇستانۋى كەرەك. ٶيتكەنٸ, تەۋەلسٸز قازاقستاننىڭ تۇعىرلى تٸرەگٸ, ٷكٸلٸ ٷمٸتٸ, بەرٸك قالقانى ٶزدەرٸڭٸز. قايراتتى جاستارىمىز كٶپ بولسا, مەملەكەتٸمٸزدٸڭ بولاشاعى باياندى بولادى دەپ سەنەمٸن», - دەدٸ قاسىم-جومارت توقاەۆ.
