30 جىل ٸشٸندە اتقارىلعان جۇمىستار يادرولىق قارۋدى تاراتپاۋ سالاسىندا قازاقستاننىڭ ەلەمدٸك كٶشباسشىلىعىن نىعايتا تٷستٸ. بۇل تۋرالى قر سىرتقى ٸستەر مينيسترٸنٸڭ ورىنباسارى اقان راحمەتۋللين مەلٸم ەتتٸ, دەپ حابارلايدى قازاقپارات تٸلشٸسٸ.
«2021 جىل قازاقستان ٷشٸن ٶتە ماڭىزدى دەپ سانالادى. سەبەبٸ 29 تامىزدا بٸز سەمەي پوليگونى جابىلۋىنىڭ 30 جىلدىعىن اتاپ ٶتەمٸز. 1991 جىلى 29 تامىزدا قر تۇڭعىش پرەزيدەنتٸ نۇرسۇلتان نازارباەۆتىڭ جارلىعىمەن سەمەي يادرولىق پوليگونى جابىلدى. يادرولىق قارۋسىزدانۋ مەن ونى تاراتپاۋ بٸزدٸڭ ساياساتتا باسىمدىققا يە بولدى. وسى ورايدا ەلباسى يادرولىق قارۋسىز ەلەم باعىتىنداعى جۇمىستارعا جەكەلەي قاتىستى. سونىمان قاتار, قازاقستاننىڭ سىرتقى ساياساتى دا حالىقارالىق قاۋٸپسٸزدٸك پەن مەملەكەتتەر اراسىنداعى ىنتىماقتاستىقتى نىعايتۋعا, جاھاندىق سىن-قاتەرلەردٸ شەشۋگە باعىتتالعان», - دەدٸ اقان راحمەتۋللين سىرتقى ٸستەر مينيسترلٸگٸندە ٶتكەن بريفينگٸدە.
ونىڭ ايتۋىنشا, 30 جىل ٸشٸندە اتقارىلعان جۇمىستار قارۋسىزدانۋ, يادرولىق قارۋدى تاراتپاۋ سالاسىندا قازاقستاننىڭ ەلەمدٸك كٶشباسشىلىعىن نىعايتا تٷستٸ.
«پرەزيدەنت قاسىم-جومارت توقاەۆ اتاپ ٶتكەندەي, يادرولىق قارۋدى تاراتپاۋ قازاقستان ساياساتىنىڭ باسىمدىعى بولىپ قالا بەرەدٸ. بۇل ٶز كەزەگٸندە بٸزگە يادرولىق قارۋسىز ەلەم ٷشٸن كٷرەستە الدىڭعى شەپتە تۇرۋ قۇقىعىن بەرەدٸ», - دەدٸ ول.
ا. راحمەتۋللين ٶتكەن ۋاقىت يادرولىق قارۋسىزداندىرۋ دۇرىس شەشٸم بولعانىن دەلەلدەي تٷسكەنٸن اتاپ ٶتتٸ. سونىمەن قاتار, ول سەمەي يادرولىق پوليگونى ەلٸمٸز ٷشٸن وراسان زور زاردابىن تيگٸزگەنٸن قاداپ ايتتى.
