ٸشكٸ ٸستەر مينيسترلٸگٸ ورال, اقتٶبە جەنە شىمكەنت قالالارىندا بوپسالاۋشىلاردىڭ قىلمىستىق توپتارىن ۇستادى, دەپ حابارلايدى "ۇلت اقپارات".
ٸٸم اقپاراتىنشا, سوڭعى ٷش كٷندە ٷش قىلمىستىق توپتىڭ زاڭسىز ەرەكەتٸ توقتاتىلعان. مەسەلەن, ورالدا ٶزدەرٸن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرىپ, كٷش كٶرسەتۋ ارقىلى ستۋدەنتتەن 500 مىڭ تەڭگە بوپسالاعان جەرگٸلٸكتٸ جاستار ۇستالدى. كٷدٸكتٸلەر قاماۋعا الىندى.
شىمكەنتتە جەدەل ۋەكٸلدەر قالانىڭ ەكٸ تۇرعىنىن ۇستاپ, ۋاقىتشا ۇستاۋ يزولياتورىنا قامادى. ولار جەرگٸلٸكتٸ تۇرعىننان بٸر ميلليون تەڭگە بوپسالاپ, وعان قاتىستى اقپارات تاراتامىز دەپ قورقىتقان.
سونداي-اق اقتٶبەدە ۇيىمداسقان قىلمىسقا قارسى كٷرەس بٶلٸمشەسٸنٸڭ قىزمەتكەرلەرٸ قىلمىستىق توپتىڭ مٷشەسٸن 1 ميلليون تەڭگە مەن Subaru اۆتوكٶلٸگٸن الىپ جاتقان جەرٸنەن قولعا تٷسٸردٸ. كٷدٸكتٸ ٶزٸنٸڭ ٷش سىبايلاسىمەن بٸرگە عيماراتتىڭ جەرتٶلەسٸندە جەبٸرلەنۋشٸگە مورالدىق جەنە فيزيكالىق قىسىم كٶرسەتٸپ, 8 ميلليون تەڭگە بوپسالاعان.
"سوتقا دەيٸنگٸ تەرگەۋ جٷرگٸزٸلٸپ جاتىر. بوپسالاۋ فاكتٸلەرٸن انىقتاۋ جەنە ولاردىڭ الدىن الۋ جۇمىستارى جالعاسادى", – دەدٸ ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ باسقارما باستىعى قۋاندىق الپىس.
